...Koreya Qabaqcıl Elm və Texnologiya İnstitutunun alimləri korluğun müalicəsində mühüm addım atıblar. Onlar zədələnmiş retinal hüceyrələrin özünü bərpa etməsinə imkan verən bir üsul hazırlayıblar. Tədqiqatlar siçanlar üzərində uğurlu olub və insanlarda mexanizmlərin oxşarlığı klinik istifadəyə ümid verir.
SİA-nın məlumatına görə, araşdırmanın nəticələri Nature Communications jurnalında dərc olunub.
Retinitis piqmentoza işığa həssas hüceyrələrin məhv olması səbəbindən tədricən görmə itkisinə səbəb olan irsi xəstəlikdir. Bu gün effektiv müalicə yoxdur və xəstələr tamamilə kor olmaq riski daşıyırlar. Elm adamları niyə bəzi heyvanların, məsələn, balıqların tor qişasını bərpa edə bildiyi halda, məməlilərin bunu edə bilmədiyini öyrəniblər.
Əsas mexanizm gözdəki xüsusi hüceyrələrin - Müller hüceyrələrinin yeni neyronlara çevrilməsinə mane olan PROX1 adlı bir protein tərəfindən bloklanır.
Mütəxəssislər PROX1-i bloklayan antikor yaradıblar. Retinitis piqmentozlu siçanlara daxil edildikdən sonra hüceyrələr bərpa olunmağa başladı və görmə qabiliyyəti bərpa edilib.
...Və alimlər indi insanlar üzərində klinik sınaqlara hazırlaşırlar və bu sınaqlar 2028-ci ildə başlaya bilər.
Əgər müvəffəqiyyətli olarsa, yeni üsul irsi retinal xəstəliklər üçün çoxdan gözlənilən müalicəyə çevrilərək minlərlə xəstəyə ümid bəxş edə bilər.
Nazlı Almuradova
Bütün xəbərlər Facebook səhifəmizdə
.jpg "Dəhşətli hücum başlandı - ÖLÜ SAYI ARTDI")
USD
EUR
GBP
RUB