...Amerikalı alimlər uşaqlıq boynu xərçəngini evdə aşkar etməyə imkan verən Teal Wand adlı cihaz hazırlayıblar. 2025-ci ilin may ayında FDA təsdiqini almış sistem peşəkar tibbi prosedurlarla müqayisə oluna bilən 96 faizə qədər dəqiqlik təmin edir.
SİA-nın məlumatına görə, nüfuzlu JAMA jurnalında dərc olunan araşdırmanın nəticələri göstərir ki, yeni üsul əksər qadınlar üçün əlverişli və məqbuldur.
Tədqiqatda 600 xəstə iştirak edib və onların 86 faizi cihaz sayəsində daha tez-tez müayinələrdən keçmək istəyini bildirib. Respondentlərin 90 faizdən çoxu evdə müayinənin ginekoloqun ənənəvi müayinəsindən qat-qat rahat olduğunu bildirib.
Tədqiqatın aparıcı müəllifi, Kolorado Universitetindən Christine Konagesky, uşaqlıq boynu xərçənginin erkən diaqnozunun xəstəliyin qarşısının alınmasında demək olar ki, 100 faiz təsirli olduğunu vurğulayıb.
Yeni məhsul qorxu, maliyyə çətinlikləri və ya vaxt çatışmazlığı səbəbindən müayinələrin qeyri-kafi tezliyi problemini həll etməyə kömək edəcək. Metod poçtla dəsti sifariş etməyi, 2-5 dəqiqə ərzində özünüz nümunələr toplamaq və materialı laboratoriyaya göndərməkdən ibarətdir. Bu yanaşma diaqnostikaya çıxışı asanlaşdırmaqla yanaşı, səhiyyə sisteminin yükünü də yüngülləşdirir.
Metod ilk olaraq Kolorado ştatında tətbiq olunacaq, bundan sonra onun geniş yayılması planlaşdırılır.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB
