...Miçiqan Universitetinin yeni araşdırması inandırıcı şəkildə göstərir ki, müasir həyat tərzinə baxmayaraq, insanın sirkadiyalı ritmləri hələ də gündüz saatlarında mövsümi dəyişikliklərə həssas şəkildə cavab verir və bu, əhval-ruhiyyəyə, yuxu keyfiyyətinə və ümumi sağlamlığa birbaşa təsir göstərir.
SİA-nın məlumatına görə, tədqiqat müəllifləri müəyyən ediblər ki, daxili saatlarımız həm səhər, həm də axşam saatları ilə sinxronlaşdırılır, bəzi insanlar bu mövsümi dəyişikliklərə genetik olaraq daha həssasdırlar.
Müəlliflərdən biri Rubi Kimin fikrincə, günün uzunluğu və aldığımız günəş işığının miqdarı fiziologiyaya dərin təsir göstərir, psixi sağlamlığa, o cümlədən əhval-ruhiyyəyə, narahatlığa, həmçinin metabolik eləcə də ürək-damar proseslərinə təsir göstərir.
Professor Daniel Forger deyib ki, tədqiqat həmçinin insanlarda bu mövsümi həssaslığın genetik komponentinin olduğunu təsdiqləyib ki, bu da bəzilərinin dəyişən fəsillərə asanlıqla uyğunlaşdığını, digərlərinin isə öhdəsindən gəlməkdə daha çətin olduğunu izah edir.
Bunu öyrənmək üçün alimlər geyilən cihazlardan istifadə etməklə toplanmış minlərlə tibbi rezidentin yuxu məlumatlarını, həmçinin onların DNT nümunələrini təhlil ediblər.
Genetik analiz mövsümi dəyişiklikləri izləməkdə mühüm rol oynayan xüsusi bir gen müəyyən edib, müxtəlif fəsillərdə sirkadiyalı ritmlərin növbəli işlərə uyğunlaşmasına təsir göstərib.
Bu genetik aspektin əlavə tədqiqi bizə mövsümi affektiv pozğunluq kimi pozğunluqları daha yaxşı başa düşməyə və onun təsirinə ən çox həssas olan insanları müəyyən etməyə kömək edə bilər.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
