...Quş qripi (H5N1) insanlar üçün əvvəllər düşünüldüyündən daha böyük təhlükə yarada bilər. Merilend Universitetinin İctimai Sağlamlıq Məktəbinin alimləri 20 illik qlobal məlumatları nəzərdən keçirərək virusun mutasiyaya uğrayaraq növlər arasında - quşlardan pişiklərə, inəklərdən pişiklərə,
pişiklərdən insanlara yayıldığı barədə xəbərdarlıq ediblər.
SİA-nın məlumatına görə, bununla bağlı “Open Forum Infectious Diseases” jurnalında yazı dərc olunub.
Müəlliflər vurğulayırlar ki, pişiklər quş qripinə qarşı son dərəcə həssasdırlar: təhlillərə görə, 18 ölkədə heyvanlarda qeydə alınan 607 infeksiyanın yarısı ölümlə başa çatıb.
Virus orqanizmə ya birbaşa - yoluxmuş quşlar və ya çiy ət yeməklə, ya da dolayı yolla - yoluxmuş inəklərin südü və digər məməlilərlə təmas yolu ilə daxil ola bilər.
Bununla belə, pişiklərdə diaqnostika olduqca nadir hallarda və çox vaxt yalnız ölümündən sonra aparılır.
Virus quduzluğa bənzər kəskin nevroloji simptomlara səbəb olur.
Tədqiqatçıların fikrincə, yüksək ölüm nisbəti və infeksiyanın məişət və kənd təsərrüfatı şəraitində yayılması xüsusilə narahatdır.
Alimlər qorxur ki, epidemiyalar sığınacaqlara təsir edə bilər və sonrakı mutasiyalarla virus hava-damcı yolu ilə insanlar arasında keçə bilər.
2025-ci ilin aprel ayının əvvəlində elm adamları H5N1-ə qarşı burun peyvəndi təqdim etdilər.
Yeni peyvənd virusun bədənə daxil olduğu tənəffüs yollarında immun reaksiyasını işə salır.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB