Rusiyanın “Lubo-Milo” folklor qrupu İstanbulda konsert verib.
Tədbir Rusiya Federasiyasının İstanbuldakı Baş Konsulluğu tərəfindən Rusiya hökumətinin xarici iqtisadi və beynəlxalq əlaqələr naziri Sergey Çeryominin rəhbərliyindəki heyətin İstanbula etdiyi səfər çərçivəsində həyata keçirilib.
SİA-nın əldə etdiyi məlumata görə, tədbirdən əvvəl çıxış edən Rusiya Federasiyasının İstanbuldakı baş konsulu Andrey Buravov nümayəndə heyətinin İstanbula gəlməkdəki məqsədinin son dərəcə əhatəli olduğunu və iqtisadiyyatdan mədəniyyətə qədər bir çox mövzuda görüşlər keçirildiyini bildirib.
Moskva Ticarət və Sənaye Palatasının sədri Vladimir Platonov tədbirdən əvvəl verdiyi açıqlamada iki ölkə arasında ticarət və mədəniyyət kimi bir çox sahədə çoxşaxəli əməkdaşlığın olduğunu ifadə edərək deyib:“Bunların bir araya gəlməsi faktı tərəflər üçün böyük əhəmiyyət və təsir yaradır”.
Şounun rus xalq mədəniyyətinin əhəmiyyətli bir parçası olduğunu ifadə edən Platonov deyib: "Çox əyləncəlidirlər. Əminəm ki, musiqilərini və rəqslərini bəyənəcəksiniz".
Konsulluq rəsmiləri ilə yanaşı çox sayda sənətsevərlərin də iştirak etdiyi konsertdə rəqs nümayişi ilə yanaşı rus xalq mahnıları da səsləndirilib.
Səhnə performansının musiqi alətlərlə müşayiət olunduğu şouda Lubo-Milo qrupu rəngarəng geyimləri və canlı rəqsləri ilə tamaşaçıların diqqətini cəlb edib.
Bütün xəbərlər Facebook səhifəmizdə
USD
EUR
GBP
RUB