Cari il Hollandiyada keçirilən 9-cu Qırmızı Lalə Film Festivalında (RTFF) 2021-ci il istehsalı olan Emre Kayışın rejissorluq etdiyi "Anadolu leoparı" (Anadolu bəbiri) "Ən yaxşı film" mükafatını qazanıb.
SİA-nın türk saytlarından əldə etdiyi məlumata görə, Rotterdam şəhərində keçirilən mərasimdə türk və holland münsiflər heyətinin üzvlərinin qiymətləndirmələri nəticəsində film birincilik mükafatına layiq görülüb.
Ferit Karahan isə festivalda “Ən Yaxşı Rejissor” mükafatını “Okul traşı" (Məktib taraşı) filmi ilə alıb.
“Ömür boyu müvəffəqiyyət” mükafatı qazanan Hale Soyqaziyə isə mükafatını Türkiyenin Haaqa səfiri Selçuk Ünal təqdim edib.
Mərasimdə çıxış edən Ünal bildirib ki, kino sərhədləri aşan, hər kökdən və hər təbəqədən olan insanları birləşdirən çox güclü bir sənət sahəsidir.
“Türk kinosunun beynəlxalq səviyyədə tanınması və populyarlığı ilə yanaşı, çox geniş coğrafiyalarda tamaşaçı toplayan türk seriallarının uğurunu da unutmaq olmaz. Ancaq kinonun yeri hələ də çox fərqlidir. Çünki teleseriallarımızın açdığı bu uğur zolağında ölkəmizin xalqını, mədəniyyətini ən yaxşı şəkildə əks etdirən, təbliğ edən filmlərimiz Kann, Berlin, Venesiya, Toronto kimi beynəlxalq miqyasda tanınan festivallarda nümayiş etdirilir, təriflər alır, təşəkkür və mükafatlara layiq görülür”, -deyə Selçuk Ünal qeyd edib.
Bütün xəbərlər Facebook səhifəmizdə
USD
EUR
GBP
RUB
