İtaliyanın qədim Pompey şəhərində aparılan qazıntılar zamanı eramızın 79-cu ildə Vezuvi vulkanında baş verən böyük partlayışda öldüyü təsbit edilən 3 nəfərin qalıqları tapılıb. SİA bu barədə Tükiyə saytlarına istinad edir.
İtaliya Mədəniyyət Nazirliyindən verilən açıqlamada eramızın 79-cu ildə Vezuvidə baş verən böyük partlayışda ölən 3 nəfərin qalıqlarının Pompeydə davam edən qazıntılar zamanı tapıldığı və bunların antik şəhərdə tapılan ən son arxeoloji tapıntılar olduğu bildirilib.
Sözügedən skelet qalıqlarının böyük partlayışdan sonra lava, kül və torpaq qatları altında qalan qədim Pompey şəhərindəki hadisə zamanı sobaya sığınan iki qadın və 3-4 yaşlı uşağa aid olduğu açıqlanıb.
Bildirilib ki, arxeoloqlar Pompeydə mifoloji səhnələri ehtiva edən iki freska divar da tapıblar.
Mədəniyyət naziri Gennaro Sangiuliano "Bu qalıqların davamlı tapılması bizə Pompeydə nə qədər qalıqların tapılacağı hissini verir" deyib.
Neapol yaxınlığında yerləşən qədim Pompey şəhəri hər il minlərlə turist tərəfindən ziyarət edilir.
Bütün xəbərlər Facebook səhifəmizdə
USD
EUR
GBP
RUB