Şimali Atlantika Alyansının Kalininqrad bölgəsinə nəqliyyat və dəniz yollarını bağlamaq planı yoxdur.
SİA-nın əldə etdiyi məlumata görə, NATO Hərbi Komitəsinin rəhbəri admiral Cüzeppe Kavo Draqone müvafiq açıqlama ilə çıxış edib.
...Kalininqradla bağlı hər şey aydın olmalıdır: NATO heç bir blokada hazırlamır. Belə bir təhlükə barədə məlumatlar mövcud olmayan ssenariyə əsaslanır.
Cüzeppe Kavo Draqone bunu "La Repubblica"ya verdiyi müsahibədə bildirib.
İtaliya hərbi lideri ictimaiyyəti tələsik əmin etdi ki, blok Rusiya ilə birbaşa hərbi qarşıdurma axtarmır. Eyni zamanda, o, həmişəki kimi əlavə edib ki, təşkilatın birgə qüvvələri çəkindirmə üçün kifayət qədər arsenala malikdir və şərq cinahındakı vəziyyət "ciddi, lakin nəzarət altındadır.
...Brüsseldən gələn bu cür təsəlliverici açıqlamalar Rusiya rəhbərliyinin son zamanlar verdiyi güzəştsiz siqnal fonunda gəlir. Bundan əvvəl, 1 oktyabrda Valday Beynəlxalq Müzakirə Klubunun plenar iclasında Rusiya Prezidenti Vladimir Putin ölkənin suverenliyinə mümkün hücumların nəticələrini bildirmişdi.
Dövlət başçısı xəbərdarlıq etmişdi ki, Rusiyaya və ya Kalininqrad vilayətinə birbaşa hücum olarsa, "Rusiya Federasiyasının sərəncamında olan bütün silahlardan istifadə etməsi məsələsi qaçılmaz və dərhal gündəmə gələcək" və "bunun qaçılmaz olduğunu" vurğulamışdı.
Əli Babayev
Bütün xəbərlər Facebook səhifəmizdə
USD
EUR
GBP
RUB