Yaponiya və ABŞ milli valyuta bazarına birgə müdaxilə edərək, son 40 ilin ən zəif səviyyələrindən birinə düşən yapon yeninin dəyərini artırmağa çalışıb. Tokio belə bir addımın zərurət yaranacağı təqdirdə yenidən atıla biləcəyini açıqlayıb.
SİA-nın xarici mətbuata istinadən verdiyi xəbərə görə, Yaponiyanın Maliyyə Nazirliyi ABŞ ilə koordinasiyalı şəkildə yen alışına yönəlmiş müdaxiləni təsdiqləyib. ABŞ Prezidenti Donald Tramp da Vaşinqtonun bu prosesdə iştirak etdiyini bildirərək, addımı Yaponiya ilə dostluq münasibətlərinin və qlobal iqtisadi sabitliyin dəstəklənməsi kimi qiymətləndirib.
Yenin uzun müddət zəifləməsi Yaponiyada idxal olunan məhsulların, xüsusilə enerji resurslarının bahalaşmasına səbəb olub və inflyasiya təzyiqlərini artırıb. ABŞ və Yaponiyanın birgə müdaxiləsi valyuta bazarındakı kəskin dalğalanmanın qarşısını almaq məqsədi daşıyır.
Məlumata görə, bu, iki ölkənin valyuta bazarında uzun fasilədən sonra həyata keçirdiyi nadir koordinasiyalı addımlardan biridir. Müdaxilədən sonra yen ABŞ dolları qarşısında möhkəmlənərək təxminən 155 yen səviyyəsinə yüksəlib.
Ekspertlər hesab edir ki, qısamüddətli dövrdə bu addım yenin dəyərinə müsbət təsir göstərə bilər. Lakin valyutanın uzunmüddətli sabitliyi üçün Yaponiya iqtisadiyyatındakı struktur problemlərin, faiz dərəcələri fərqinin və yüksək enerji xərclərinin həlli vacib olaraq qalır.
Bütün xəbərlər Facebook səhifəmizdə
.jpg "Onikibarmaq bağırsaq xəstəlikləri - Təhlükəli Səbəbləri")
.jpg "Onikibarmaq bağırsaq xəstəlikləri - Təhlükəli Səbəbləri")
.jpg "\"BonAqua” və \"Qarabağ\" FK arasında rəsmi tərəfdaşlıq müqaviləsi imzalanıb")
USD
EUR
GBP
RUB