...Hindistanda gənclərin etiraz hərəkatı geniş vüsət alır və milyonlarla tələbənin verdiyi sadə bir sualla başlayır: gələcəklərini müəyyən edən imtahanlara etibar edə bilərlərmi?
SİA-nın xarici qaynaqlardan əldə etdiyi məlumata görə, "Tarakan Partiyası” hərəkatı (CJP) bir sıra imtahan sızmalarından sonra ortaya çıxdı və tezliklə Hindistanın ən böyük etiraz qüvvələrindən birinə çevrildi.
Minlərlə gənc təhsil sistemində islahatlar və təhsil naziri Dharmendra Pradhanın istefası tələbi ilə küçələrə çıxıb. Etirazlar Dehlidəki Parlament binasına doğru yürüşlə nəticələndi və polis burada göz yaşartıcı qaz və dəyənəklərdən istifadə edib.
Tələbələrin tələblərini dəstəkləmək üçün 26 günlük aclıq aksiyası zamanı 11 kq arıqladığını iddia edən fəal Sonam Vanqçuk mərkəzi səhnəni tutub.
Narendra Modi hökumətinə qarşı vətəndaş hüquqları qanunları və ya kənd təsərrüfatı islahatları ilə bağlı əvvəlki etirazlardan fərqli olaraq, hazırkı hərəkatın aydın ideoloji əsası yoxdur.
Tədqiqatçı Yamini Aiyar BBC-yə bildirib ki, etirazçılar bütün kasta, sinif və cinsiyyət xətlərini əhatə edir. Məhz bu, hərəkatı Hindistan siyasətində qeyri-adi edən amildir.
Narazılıq tək bir siyasi qərarda deyil, idarəetmə məsələlərində və hökumətin ədalətli qaydaları tətbiq etmək qabiliyyətində kök salıb.
...Bu hərəkat inzibati uğursuzluqlara yönəlib. Dövlətin imtahanları ədalətli şəkildə keçirə bilməməsi onu tamamilə yeni bir siyasi çağırışa çevirir, - deyə analitik Rahul Verma bildirib.
Baş nazir Narendra Modi ilk dəfə etirazlara açıq şəkildə cavab verərək, sızmalara görə məsuliyyət daşıyanları cəzalandırmaq üçün sürətli məhkəmələr quracağını vəd edib.
Etirazın davamlı siyasi hərəkata çevriləcəyini, yoxsa sadəcə ictimai narazılığın artacağını hələlik görmək lazımdır.
Əli Babayev
Bütün xəbərlər Facebook səhifəmizdə
USD
EUR
GBP
RUB