ABŞ-ın keçmiş 35-ci prezidenti Con Kennedinin nəvəsi Tatyana Şlossberqə terminal qan xərçəngi diaqnozu qoyulub. SİA xəbər verir ki, o, bunu babasının qətlinin 62-ci ildönümü münasibətilə "The New Yorker"də dərc olunmuş essesində açıqlayıb.
35 yaşlı Şlossberqə görə, ona ikinci uşağının dünyaya gəlməsindən dərhal sonra, 2024-cü ilin may ayında diaqnoz qoyulub.
Həkimlər onun qan analizlərində ağ qan hüceyrələrinin sayının artdığını görüblər və məyusedici diaqnoz qoyublar: əsasən yaşlı xəstələrdə müşahidə olunan nadir mutasiyalı kəskin miyeloid lösemi...
O vaxtdan bəri Tatyana bir neçə kimyaterapiya kursu və iki sümük iliyi nəqli keçirib.
Son müayinə zamanı həkimi xərçənginin son mərhələyə keçdiyini və təxminən bir il yaşayacağını bildirib.
...Bəlkə də beynim hazırda həyatımı təkrarlayır, çünki terminal diaqnozum var və bütün bu xatirələr itiriləcək, - Tatyana Şlossberq yazıb.
Tatyana Şlossberq təkcə diplomat Kerolin Kennedi və dizayner Edvin Şlossberqin qızı deyil, həm də ətraf mühit jurnalistidir.
O, Yel və Oksford Universitetlərini bitirib və Amerika tarixi üzrə magistr dərəcəsi alıb. O, həmçinin "New York Times", "The Washington Post", "Vanity Fair" və "Bloomberg" kimi böyük nəşrlərdə elm və iqlim müxbiri kimi çalışıb.
Nazlı Almuradova
Bütün xəbərlər Facebook səhifəmizdə
.jpg "Bu ərazilər Azərbaycana qaytarılır")
USD
EUR
GBP
RUB