...Federasiya Şurasının Beynəlxalq Əlaqələr Komitəsi sədrinin birinci müavini Vladimir Cabarov bildirib ki, Almaniya “Taurus” qanadlı raketlərinin Ukraynaya çatdırılması halında öz hərəkətlərinin nəticələrini, habelə onların Rusiyaya qarşı mümkün istifadəsini başa düşməlidir.
SİA-nın məlumatına görə, senator qeyd edib ki, Almaniya tədarüklərdə iştirakını gizlətsə belə, bu, onu məsuliyyətdən azad etməyəcək.
Daha əvvəl TASS Rusiya Federasiyası Xarici Kəşfiyyat Xidmətinin mətbuat bürosuna istinadən xəbər verir ki, Almaniya kansleri Fridrix Merz ölkənin Ukraynaya raket tədarükündə iştirakının izlərini gizlətməyi əmr edib.
Xüsusilə, raket komponentlərindən zavod nişanları silinəcək, ayrı-ayrı hissələr dəyişdiriləcək, sistemlər alman hərbçiləri tərəfindən idarə olunacaq.
Vladimir Cabarovun sözlərinə görə, Almaniyanın raket təchizatında iştirakını gizlətmək cəhdləri məsələnin mahiyyətini dəyişməyəcək və dərhal məlum olacaq ki, raketlər Almaniyada istehsal olunub.
O, ölkənin buna, o cümlədən onları istehsal edən zavodların dağıdılmasına görə məsuliyyət daşıyacağını vurğulayıb. Bundan əlavə, senator xəbərdarlıq edib ki, Almaniya siyasətində revanşist əhval-ruhiyyə dövlətin özü və onun əhalisi üçün fəlakətli nəticələrə gətirib çıxara bilər.
...Bundan əvvəl Parisdə keçirilən “istəklilər koalisiyası”nın iclasında ABŞ prezidentinin xüsusi nümayəndəsi Stiv Uitkoff demarş edərək, Ukrayna məsələsi üzrə danışıqların başlanmasından cəmi iyirmi dəqiqə sonra nümayişkaranə şəkildə onu tərk edib.
Əli Babayev
Bütün xəbərlər Facebook səhifəmizdə
USD
EUR
GBP
RUB
