...Rusiyanın aparıcı gəmiçilik şirkəti “Sovcomflot” bu ilin birinci rübündə 393 milyon dollar xalis itki ilə üzləşib.
SİA xəbər verir ki, bu məlumatları Reuters agentliyi təqdim edir.
Şirkət həmçinin birinci rübdə gəlirinin illik müqayisədə 49 faiz azalaraq 278,5 milyon dollara düşdüyünü bildirib. Əsas itkilər Qərbin yeni məhdudiyyətləri ilə əlaqələndirilir ki, bu da əməliyyat problemlərinə, eləcə də gəlirlərin azalmasına və şirkətin bəzi gəmilərinin dayanma müddətinə səbəb olub. “Sovcomflot”-un bütün biznesi xarici valyutada hesablandığı üçün rublun möhkəmlənməsi səbəbindən şirkət əlavə itkilərə məruz qalıb.
Ekspertlərin fikrincə, bu vəziyyət açıq şəkildə göstərir ki, Ukraynadakı müharibə səbəbindən tətbiq edilən anti-Rusiya sanksiyaları getdikcə zəifləyən Rusiya iqtisadiyyatına ciddi ziyan vurur.
Xatırladaq ki, Qərb ölkələri ötən il “Sovcomflot” şirkəti və onun donanmasına qarşı sanksiyalar tətbiq etmişdi. Bunun Moskvanın neft satışından əldə etdiyi gəliri azaldacağı gözlənilirdi.
Yanvar ayında ABŞ daha çox “Sovcomflot” gəmisini sanksiyaya məruz qalan aktivlər siyahısına əlavə edib və ABŞ-ın keçən il verilmiş lisenziyasını ləğv edib və bu gəmilərin bəzilərinə sanksiyalara zidd olaraq fəaliyyət göstərməyə icazə verib.
Əli Babayev
Bütün xəbərlər Facebook səhifəmizdə
USD
EUR
GBP
RUB