...ABŞ prezidenti Donald Tramp Rusiya və Ukrayna arasında sülh danışıqları üzrə uğursuz cəhdlərə görə çətin vəziyyətə düşüb.
İndi o, diplomatik qələbə axtarışında diqqətini başqa bölgəyə yönəldə bilər. Mümkün addımlardan biri İranla yaxınlaşmadır, lakin bu, ABŞ-ın müttəfiqlərində, ilk növbədə İsraildə ciddi narahatlığa səbəb ola bilər.
SİA-nın məlumatına görə, bunu Amerikanın mühafizəkar nəşri “The National Interest” yazır.
Moskva ilə danışıqlar dalana dirənib.
Əvvəlki yumşaqlığına baxmayaraq, Ukraynaya yeni raket zərbələrindən sonra Trampın Kremlə münasibəti nəzərəçarpacaq dərəcədə sərtləşib.
Vaşinqtonda Münhen Konfransında çıxış edən ABŞ-ın vitse-prezidenti J.D.Vens “hələ ümidini itirmədiyini” deyib, lakin əlavə edib: “Rusiya həddən artıq çox şey istəyir”.
Bu uğursuzluqlar qarşısında Tramp, ehtimalların fərqli olduğu yerdə uğur axtarmağa qərar vermiş ola bilər. Onun İranla bağlı ritorikasını qəfil yumşaltması, həmçinin Britaniya ilə ticarət sazişində gözlənilməz irəliləyiş prezidentin diplomatik uğur nümayiş etdirməyə çalışdığını göstərir.
O, Londonla əldə olunan razılaşmanı "tam və hərtərəfli" adlandırıb və deyib, ki, bu razılaşma ABŞ-Böyük Britaniya müttəfiqliyini həmişəlik gücləndirəcək.
Amma İran məsələsində “asan yol” ənənəvi müttəfiqlərdən imtina demək ola bilər.
Tehranla istənilən yaxınlaşmanı öz təhlükəsizliyinə təhdid kimi kəskin şəkildə qəbul edən İsrail özünü təcrid vəziyyətinə sala bilər.
Gözlənilməzliyi ilə tanınan Tramp yenə də “nəsə düzələcək” məntiqi ilə hərəkət edir.
O, artıq ilk müddətində oxşar strategiyadan istifadə etdi - maksimum PR, minimum spesifikasiyalar.
Ancaq indi, artan daxili təzyiq və beynəlxalq uğursuzluqlar fonunda, İran razılaşması onun hələ də "böyük müzakirəçi" olduğunu göstərmək üçün son cəhdi ola bilər.
Yeganə sual bunun üçün nəyi qurban verməli olacağıdır.
Əli Babayev
Bütün xəbərlər Facebook səhifəmizdə
USD
EUR
GBP
RUB