...Əgər Volodimir Zelenski faydalı qazıntıların hasilatı ilə bağlı saziş imzalamasa, Birləşmiş Ştatlar Ukraynaya Starlink xidmətlərini dayandıra bilər.
SİA-nın məlumatına görə, bunu Reuters mənbələri The Verge-ə bildiriblər.
Nəşr qeyd edir ki, Ukraynanın kritik mineral ehtiyatlarına çıxış əldə etmək istəyən amerikalı müzakirəçilər ölkənin həyati əhəmiyyət kəsb edən Starlink peyk internet sisteminə çıxışını kəsmək ehtimalını qaldırıblar.
Mövzunun ABŞ-ın Ukrayna üzrə xüsusi nümayəndəsi Keyt Kelloq ilə Zelenskinin özü arasında keçirilən görüşdə müzakirə edildiyi iddia edilib.
Məqalədə Starlink-in bağlanmasının Ukraynaya böyük zərbə olacağı vurğulanır.
Bundan əvvəl, fevralın 3-də ABŞ prezidenti Donald Tramp vurğulamışdı ki, Vaşinqton nadir torpaq metallarının tədarükü ilə bağlı Kiyevdən zəmanət gözləyir və bununla da Ukraynaya ayrılan 400-500 milyard dollar məbləğində vəsaiti kompensasiya etməyə çalışır. Bundan əvvəl Sky News Zelenskinin resursların istifadəsi ilə bağlı müqavilə imzalamağa hazır olmadığını bildirmişdi.
Əli Babayev
Bütün xəbərlər Facebook səhifəmizdə
USD
EUR
GBP
RUB