...Rusiyanın baş naziri Mixail Mişustin Federal Antiinhisar Xidməti və Baş Prokurorluğa qiymət artımı ilə, xüsusilə də inhisar mövqeyindən sui-istifadə halları ilə mübarizə aparmaq barədə göstəriş verib.
SİA-nın məlumatına görə, bununla belə, ekspertlər bu tədbiri dəyərləndirərkən fikir ayrılığına malikdirlər.
...İqtisadçı ekspert Maksim Dovqyallo qeyd edib ki, qiymətlərlə mübarizəyə müdaxilə planlaşdırılmış və faktiki büdcə xərcləri arasında uyğunsuzluq kimi fundamental problemləri həll etməyəcək.
...İş adamı və hüquq eksperti Aleksey Petropolskinin fikrincə, qiymət artımı ölkənin idxal mallarından asılılığı və rublun devalvasiyası ilə bağlıdır. O hesab edir ki, Federal Antiinhisar Xidməti inhisarçılara nəzarət etməlidir, lakin bazar proseslərinə müdaxilə vəziyyəti daha da gərginləşdirə bilər.
Mərkəzi Bankın rəhbəri Elvira Nabiullina bundan əvvəl bəyan etmişdi ki, inflyasiyanın sürətlənməsi məhsulun az olması və tariflərin artması ilə bağlıdır, bu səbəbdən də hökumət bazarı sabitləşdirmək üçün bəzi mallara gömrük rüsumlarını ləğv edib.
Bununla belə, ekspertlər, o cümlədən Sankt-Peterburq İstehlakçı Hüquqlarının Müdafiəsi Cəmiyyətinin “Potrebnadzor” Aleksandr Vinoqradovun fikrincə, dövlət müdaxiləsi istehsalçıları yalnız iştahalarını yumşaltmağa məcbur edə bilər, lakin uzunmüddətli perspektivdə bazar iqtisadiyyatında qiymətlərin tənzimlənməsi yalnız əmtəə qıtlığına səbəb olacaqdır.
Moskvanın İstehlakçıların Hüquqlarının Müdafiəsi üzrə Müvəkkili Aleksandr Lyuboserdov da xəbərdarlıq edib ki, qiymətlərin inzibati tənzimlənməsi yalnız böhranı daha da pisləşdirə bilər.
Bundan əvvəl məlum olub ki, rəsmi Parisin anti-Rusiya mövqeyinə və sanksiyalara baxmayaraq, Rusiya Fransa şirkətləri üçün mühüm tərəfdaş olaraq qalmaqda davam edir. Həmçinin Rusiya Federasiyasında ilk dəfə olaraq əhalinin maliyyə mədəniyyətinin inkişaf indeksi hesablanıb.
Əli Babayev
Bütün xəbərlər Facebook səhifəmizdə
USD
EUR
GBP
RUB