...Birmingem avtosalonunda ilk yapon elektrik pikapı təqdim edildi. Yeni Isuzu D-Max EV 2026-cı ilin əvvəlində satışa çıxarılacaq və Tesla Cybertruck-dan əhəmiyyətli dərəcədə daha sərfəli olacaq.
SİA xarici qaynaqlara istinadən xəbər verir ki, Yapon avtomobil istehsalçısının rəsmi saytında elektriklə işləyən Isuzu pikap haqqında məlumat verilib.
Isuzu D-Max EV elektrik avtomobili 190 at gücü hasil edən ikimotorlu tam ötürmə sistemi ilə təchiz edilib və 325 N∙m... O, 100 km/saata 10,1 saniyəyə sürətlənir, maksimal sürəti isə 130 km/saatla məhdudlaşır.
66,9 kVt/saat tutumlu akkumulyator 263 km məsafə qət etməyi təmin edir. Bir saat ərzində sürətli rejimdə (50 kVt güc) 80 faizə qədər doldurula bilər.
Isuzu D-Max EV pikap avtomobili xarici görünüşcə dizel versiyasından demək olar ki, fərqlənmir - onu yalnız mavi dekorasiya verir.
Elektrik avtomobili genişləndirilmiş ikiqapılı və dördqapılı salonu olan versiyalarda təklif olunacaq.
Yükgötürmə qabiliyyəti 1 tondur və 3,5 tonluq qoşqu da çəkə bilir.
Yeni Isuzu D-Max EV yaxşı yolsuzluq keyfiyyətlərini saxlayır. Onun klirensi 210 mm, yaxınlaşma bucağı 30,5°, gediş bucağı isə 24,2°-dir. Avtomobil 600 mm dərinliyə qədər keçidlərdən keçə bilir.
Isuzu D-Max EV-nin əsas konfiqurasiyasına LED faralar, 18 düymlük təkər diskləri, dəri salon, iki zonalı klimat-kontrol, parkinq sensorları, 6 dinamikli akustika və 8 düymlük sensor ekran daxildir. Ən yüksək səviyyəli variant daha böyük 9 düymlük displey, daha güclü audio sistemi və qızdırılan oturacaqlar əlavə edir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
