"UEFA Çempionlar Liqasının 7-ci turunda “Qarabağ”ın Almaniyanın “Ayntraxt” (Frankfurt) klubu üzərində qazandığı qələbə təkcə turnir cədvəli baxımından deyil, komandanın xarakteri və oyun fəlsəfəsi baxımından da son dərəcə əlamətdar oldu. Bu görüş “Qarabağ” üçün həlledici xarakter daşıyırdı və komanda həm psixoloji, həm də taktiki baxımdan bu təzyiqin öhdəsindən gəlməyi bacardı". Bu sözləri SİA-ya açıqlamasında baş məşqçi Arif Əsədov deyib.
Onun sözlərinə görə, oyuna çox yüksək temp və inamla başlayan “Qarabağ”ın erkən qol vurması təsadüfi deyildi: "Komanda ilk dəqiqələrdən rəqibə yüksək pressinq tətbiq etdi, topa nəzarəti ələ aldı və hücumlarda çoxşaxəli oyun qurdu. Kamilo Duranın 5-ci dəqiqədə vurduğu qol bu planın məntiqi nəticəsi idi. Bununla belə, “Ayntraxt” kimi təcrübəli və intizamlı bir komandanın tez bir zamanda hesabı bərabərləşdirməsi oyunun gərgin və balanslı keçəcəyini göstərdi. İkinci hissədə “Qarabağ”ın oyuna yanaşması xüsusi qeyd olunmalıdır. Komanda təşəbbüsü tam şəkildə ələ aldı, hücumlarda daha cəsarətli və aqressiv oynadı. Hakimin bəzi mübahisəli qərarları, xüsusilə “Qarabağ”ın xeyrinə verilə biləcək penalti epizodunun nəzərə alınmaması və əvəzində rəqibin qapımıza penalti qazanması oyunun psixoloji axarını dəyişə biləcək məqamlar idi. Lakin məhz bu anda “Qarabağ”ın nə qədər formalaşmış və mental cəhətdən güclü komanda olduğu ortaya çıxdı.
Penaltidən geri düşməsinə baxmayaraq, komandanın ruhdan düşməməsi və qısa zaman kəsiyində yenidən toparlanaraq Kamilo Duranın növbəti qolu ilə hesabı bərabərləşdirməsi yüksək səviyyəli futbol düşüncəsinin və oyun intizamının göstəricisi idi. Bu epizod “Qarabağ”ın hücum xəttinin effektivliyini və fərdi ustalığın kollektiv oyunla düzgün sintezini nümayiş etdirdi.
Oyunun son dəqiqələrində isə üstün tərəf açıq-aşkar “Qarabağ” idi. Komanda həm fiziki, həm də taktiki baxımdan oyunu daha düzgün idarə etdi, rəqibi öz cərimə meydançasına sıxışdırdı və standart vəziyyətlərdən maksimum yararlanmağa çalışdı. Əlavə olunmuş dəqiqələrdə müdafiəçi Bəhlul Mustafazadənin vurduğu qələbə qolu komandanın inamının, əzmkarlığının və sonadək mübarizə aparmaq bacarığının simvoluna çevrildi. Ümumilikdə bu oyun göstərdi ki, “Qarabağ” artıq yalnız texniki baxımdan deyil, eyni zamanda psixoloji cəhətdən də Avropa səviyyəsində rəqabət aparmağa hazır komandadır. Bu cür qələbələr pley-off şanslarını qorumaqla yanaşı, futbolçuların özünəinamını artırır və klubun Avropa arenasındakı reputasiyasını daha da möhkəmləndirir. “Qarabağ” bu oyunla bir daha sübut etdi ki, çətin anlarda belə toparlanmağı və oyunun taleyini öz xeyrinə dəyişməyi bacaran komandaya çevrilib".
Bütün xəbərlər Facebook səhifəmizdə
.jpg "Bütün dünya ÇALXALANIR! - NƏ BAŞ VERİR?")
.jpg "Restoranlarda NƏ BAŞ VERİR?")
.jpg)
USD
EUR
GBP
RUB
