.jpg)
"UEFA Çempionlar Liqasında pley-off mərhələsinə yüksəlmək uğrunda mübarizəni davam etdirən “Qarabağ” üçün “Ayntraxt Frankfurt”-la ev oyunu həlledici xarakter daşıyır. Turnir cədvəlində mövcud vəziyyət göstərir ki, bu qarşılaşmada qazanılacaq qələbə yalnız xallar baxımından deyil, həm də komandanın turnirdəki taleyi baxımından xüsusi əhəmiyyət kəsb edir". Bu sözləri SİA-ya açıqlamasında baş məşqçi Arif Əsədov deyib.
Onun sözlərinə görə, Almaniya təmsilçisi “Ayntraxt Frankfurt” fiziki gücə əsaslanan, sürətli keçidlər edən və cinahlardan aktiv hücumlar quran komandadır: "Belə bir rəqibə qarşı “Qarabağ”-ın əsas üstünlüyü ev meydanı faktoru, topa nəzarət və intizamlı oyun quruluşu ola bilər. Məncə, bu oyunda riskli açıq futbol əvəzinə, kompakt müdafiə və sürətli əks-hücumlara əsaslanan balanslı taktika daha effektiv görünür. Xüsusilə mərkəz zonasında sıxlıq yaratmaq və rəqibin sürətli oyunçularının boşluq tapmasının qarşısını almaq vacib olacaq. Eyni zamanda “Qarabağ” üçün erkən qol tapmaq oyunun gedişatını ciddi şəkildə dəyişə bilər. Bu, həm tribunalardakı azarkeş dəstəyini artıracaq, həm də “Ayntraxt Frankfurt”-u daha açıq oynamağa məcbur edəcək. Belə vəziyyətdə sürətli hücumçuların və cinah oyunçularının rolu həlledici ola bilər.
Bu görüşün nəticəsi komandanın növbəti turda “Liverpul”-la qarşılaşmasına da birbaşa təsir göstərəcək. Əgər “Qarabağ” Frankfurt üzərində qələbə qazanarsa, bu, futbolçuların özünə inamını artıracaq və “Liverpul”-la oyuna daha rahat psixoloji durumda çıxmalarına şərait yaradacaq. Əks halda, İngiltərə nəhəngi ilə oyun əlavə təzyiq altında baş tuta bilər. Strateji baxımdan da bu qarşılaşma böyük əhəmiyyət daşıyır. Qazanılacaq üç xal “Qarabağ”-a son turda “Liverpul”-la oyunda daha çevik taktiki plan qurmaq imkanı verə bilər. Yəni bu oyun yalnız bir mərhələnin deyil, bütün qrupun taleyini müəyyənləşdirə biləcək əsas açar matçdır".
Bütün xəbərlər Facebook səhifəmizdə
.jpg "Ramiz Mehdiyevin BİLİNMƏYƏN ORTAĞI! - KİMDİR O?")
.jpg "Pezeşkian İSTEFA VERDİ! - NƏ BAŞ VERİR?")
USD
EUR
GBP
RUB