Çexiyanın Ostrava şəhərində 19 yaşadək boksçular arasında Avropa çempionatına start verilib. Azərbaycan Boks Federasiyasından SİA-ya verilən məlumata görə, yarışın ilk günündə rinqə çıxan Azərbaycan millisinin iki idmançısı döyüşünü qələbə ilə başa vurub.
70 kiloqramda Rza Rzayev Qleb Herdtlə (İsrail) qarşılaşıb. Boksçumuz 1/16 final çərçivəsində rəqibini 5:0 (30:26, 30:25, 30:27, 30:26, 30:26) hesabı ilə məğlub edib. O, növbəti görüşündə ilk mərhələdən azad olan Akaki Basaria (Gürcüstan) ilə üz-üzə gələcək.
Abbasqulu Şadlinski (75 kiloqram) də Avropa çempionatına qələbə ilə başlayıb. Təmsilçimiz 1/16 finalda Gerasimos Tzavarosdan (Yunanıstan) güclü olub – 5:0 (29:28, 29:28, 30:27, 30:27, 30:27). Şadlinski ikinci döyüşündə ilk mərhələdən azad olan Ahmed Koçini (Albaniya) sınağa çəkəcək.
Hər iki boksçumuz 1/8 final döyüşünə oktyabrın 2-də çıxacaq.
Qeyd edək ki, Avropa çempionatına oktyabrın 9-da yekun vurulacaq.
Bütün xəbərlər Facebook səhifəmizdə
.png)
USD
EUR
GBP
RUB