Misli Premyer Liqası: Lider xal itirib, "Neftçi" məğlub olub

Futbol üzrə Misli Premyer Liqasında III tura start verilib.

SİA xəbər verir ki, ilk oyun günündə 2 qarşılaşma keçirilib.

Günün ilk matçında çempionatın lideri “Sumqayıt” “Şamaxı”nı qəbul edib. Mehdi Hüseynzadə adına Sumqayıt şəhər stadionunda oynanılan görüş 1:1 hesablı heç-heçə ilə yekunlaşıb.

Hazırda “Sumqayıt” 7 xalla turnir cədvəlinə başçılıq edir. İki xalı olan “Şamaxı” 7-ci pillədə qərarlaşıb.

Digər qarşılaşmada isə “Neftçi” doğma meydanda “Turan Tovuz”a 0:1 hesabı ilə uduzub.

Tovuz təmsilçisi 6 xalla 2-ci, Bakı klubu isə 2 xalla 8-ci sırada yer alıb.

Turun digər oyunları avqustun 30-31-də keçiriləcək.

Bütün xəbərlər Facebook səhifəmizdə