Yeniyetmə boksçulardan ibarət Azərbaycan millisi Çində təlim-məşq toplanışı çərçivəsində “Kəmər və Yol” beynəlxalq turnirinə qatılıb. Yığmamız Sincan-Uyğur Muxtar Rayonunda 19 ölkənin iştirakı ilə baş tutan yarışı 4 medalla başa vurub.
SİA-nın əldə etdiyi məlumata görə, Naxçıvan Muxtar Respublikası Gənclər və İdman Nazirliyinin mətbuat xidmətindən bildirilib ki, millimizi 60 kiloqram çəki dərəcəsində təmsil edən Naxçıvan boks məktəbinin yetirməsi Haqverdi Həsənov finalda qazaxıstanlı rəqibinə qalib gələrək qızıl medala sahib çıxıb. Digər təmsilçilərimizdən Səftər Məmmədzadə (+80 kiloqram) gümüş, Raul Heydərli (57 kiloqram) və Adil Zalov (70 kiloqram) bürünc medal qazanıblar.
Qeyd edək ki, məşqçi Elnur Kərimlinin yetirməsi olan Haqverdi Həsənov yeniyetmələr arasında Avropa üçüncüsü, Azərbaycan çempionu, müxtəlif beynəlxalq turnirlərin qalibi və mükafatçısıdır.
Bütün xəbərlər Facebook səhifəmizdə
.jpg)
_1558556132.jpg)
USD
EUR
GBP
RUB