"Qarabağa vacib olan odur ki, oynasın, xallar qazansın və komanda olaraq möhkəmlənsin" - BAŞ MƏŞQÇİ ŞƏRH ETDİ
.jpg)
"İlk öncə Qarabağı və Azərbaycan ictimaiyyəti, futbol çevərləri – hamısını təbrik edirəm ki, belə bir nəticə ilə növbəti 8 ildən sonra qrupa düşmək Qarabağ üçün böyük bir uğurdur. Və bütün məşqçiləri, Qurban Qurbanovu - hamısını təbrik edirəm". Bu sözləri SİA-ya açıqlamasında baş məşqçi Arif Əsədov deyib.
Onun sözlərinə görə, Çempionlar Liqasındakı rəqiblərə gəldikdə isə, bu elə bir yarışdır ki, burada ancaq top komandalar olur. Öz ölkəsinin çempionları qatılır və burada zəif rəqib yoxdur. Qarabağın da rəqibləri çətin, güclü rəqiblərdir. Amma belə də bir şey var ki, artıq Qarabağ qrupa kimi gəlib çıxıb. Təzyiq var idi, psixoloji gərginlik vardı. Amma indi o gərginlik məncə aradan götürülüb: "Burada Qarabağa vacib olan odur ki, oynasın, xallar qazansın və komanda, klub olaraq möhkəmlənsin o səviyyədə. Rəqiblərdən xal götürmək təbii ki, daha çox evdə mümkündür - biz ümid edirik ki, məsələn, tanış rəqiblər var. Çelsi var - bir az çətin rəqibdir. Çelsi son illərin, son dünya klubları arası Dünya Çempionatında da birinci yer tutan, ən gənc, sürətli, tək-tük irəliləyən bir komandadır.
Məncə Ayaksdan burada keçən Avropa Liqası oyunlarında - baxmayaraq ki, Qarabağ uduzmuşdu - amma oyun baxımından mən deməzdim ki, zəif təsir bağışladı. Əksinə, bərabər oyun gedirdi. Sadəcə, o ustalıq öz sözünü son anda dedi. Ayaks artıq Kopenhagenlə də oynayıbdır. Qarabağ Kopenhagenə qalib gəlibdir. Yəni, haradasa düşünürəm ki, xallar götürmək olar ev oyunlarında.
Amma səfərdə - Liverpul, Frankfurt, Atletiko, Napoli – bunlar çox güclü komandalardır. Amma futbolda da hər şey ola bilər. Vaxtilə getdi İspaniyada Atletikodan bir xal götürdü. Yəni, hər hansı bir komandadan sürpriz edib xal götürə bilər.
Amma burada artıq nəticə yox, daha çox Qarabağın yaxşı oynayıb öz gücünü göstərməsi vacibdir - mən düşünürəm. Və mən düşünmürəm ki, siyasəti futbola qatmaq onun xeyrinədir. Bu, futboldur, hamıya aiddir. Ona görə də çox göz qabağındadır ki, bu cür hallar baş verirsə, mən düşünmürəm ki, hansısa tapşırıqla və ya qəsdən olan bir şeydir.
Onun gerçəkliyi də budur - məncə VAR sistemi var idi. Hər hansısa orada bir şübhəli epizodlar varsa da, ona texniki briqada baxıb qərar verirdi. Belə götürək, Qarabağın qapısına vurulan birinci qolu da əvvəlcə göstərməmişdilər, qolu saymamışdılar. Amma sonradan VAR texnikləri onu göstərdi.O baxımdan düşünmürəm ki, burada hansısa hakim tərəfindən Qarabağa qarşı qəsdən olan addımlar var idi. Qarabağ – bütün çətinliklərə baxmayaraq - artıq oturuşmuş, möhkəm bir komanda formalaşdırıb və bu situasiyalara, bu məqamlara hazırdır".
Bütün xəbərlər Facebook səhifəmizdə
_1558556132.jpg)
USD
EUR
GBP
RUB