“KOB subyektlərinin inkişafı dövlət siyasətinin prioritet istiqamətlərindən biridir” -ORXAN MƏMMƏDOV
Azərbaycan Respublikasında sahibkarlığın inkişafının dəstəklənməsi və xüsusilə kiçik və orta biznes subyektlərinin (KOB) gücləndirilməsi istiqamətində həyata keçirilən dövlət siyasətinin mühüm nəticələri açıqlanıb.
SİA xəbər verir ki, bu sözləri Aprelin 29-da İqtisadiyyat Nazirliyinin dəstəyi, KOBİA və ASK-nın təşkilatçılığı ilə “Sahibkarlığın inkişafı güclü iqtisadiyyatdır” mövzusunda tədbirdə Azərbaycan Respublikası Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov bildirib.
O qeyd edib ki, Heydər Əliyev irsinin davamı olaraq Birinci vitse-prezident Mehriban xanım Əliyevanın da sosial sahədə həyata keçirdiyi çoxşaxəli fəaliyyət çərçivəsində aztəminatlı və sosial cəhətdən həssas qruplara göstərilən diqqət ölkənin sosial-iqtisadi inkişafına əhəmiyyətli töhfə verir.
Qeyd olunub ki, ölkədə özəl sektorun, xüsusilə KOB subyektlərinin inkişafı dövlət siyasətinin prioritet istiqamətlərindən biridir. 2018-ci ildən KOB-ların yeni bölgü meyarlarının tətbiqi və KOBİA-nın fəaliyyətə başlamasından sonra bu sektor əhəmiyyətli dərəcədə genişlənib. Son 6 il ərzində KOB subyektlərinin sayı təxminən 74 faiz artaraq 424 mindən çox olub.
Bütün xəbərlər Facebook səhifəmizdə
.jpg)
USD
EUR
GBP
RUB