Diqqət və qayğı qadınların xoşbəxtliyi üçün hədiyyədən daha çox önəmlidi - GƏNCLƏR DANIŞDI

8 Mart - Beynəlxalq Qadınlar Günü hər il dünya üzrə qadınların əhəmiyyətini, cəmiyyət içindəki rolunu və onların hörmətə layiq olduğunu qeyd etmək məqsədilə keçirilir. Bu gün həm də qadınlara göstərilən diqqət və qayğı ilə yadda qalır. Hədiyyələr, sürprizlər, xoş sözlər və diqqət göstərilməsi qadınların sevincini artıran amillərdən biridir. Lakin hər bir insanın bu günü qəbul etməsi və qadınlara münasibəti fərqli ola bilər. Bəziləri üçün bahalı hədiyyələr önəmli olsa da, bəziləri sadəcə səmimi diqqət və xoş sözləri dəyərləndirir.

SİA gənclər arasında 8 Mart münasibətilə sorğu keçirərək onların bu günə baxışlarını, aldıkları hədiyyələri, ideal hədiyyə barədə fikirlərini və qadınlara göstərilən diqqət-hörmətin önəmini öyrənib.

Şəhər sakini Mətləb Süleymanov: "8 Mart mənim üçün həyatımda əhəmiyyətli qadınlara təşəkkür və diqqət göstərmək fürsətidir. Anamı adətən gözəl çiçəklərlə təbrik edirəm, çünki o çiçəkləri çox sevir. Bacıma isə maraqlandığı bir kitab alıram. Məncə, qızlar üçün ideal hədiyyə onların zövqünü və şəxsiyyətini nəzərə alan, mənalı bir şey olmalıdır. Amma mənim fikrimcə, yalnız hədiyyə kifayət etmir. Mən onları sözlə təbrik edir, səmimi sözlər deyir, onların dediklərini dinləyir və birlikdə vaxt keçirirəm. Çünki diqqət və qayğı qadınların xoşbəxtliyi üçün hədiyyədən daha çox önəmlidir. Bu gün mənim üçün onların üzündə gülümsəmə yaratmaqdır".

Şəhər sakini Aysu İsmayılzadə: "8 Mart mənim üçün diqqət və səmimiyyətin önə çıxdığı bir gündür. Bu günə qədər aldığım ən yadda qalan hədiyyə isə bacımdan aldığım kiçik bir əl işləri dəftəri olub. Hədiyyə, çox sadə idi, amma mənim zövqümü və maraqlarımı nəzərə almışdı. Bu hədiyyə mənim üçün xüsusi idi, çünki onun mənim üçün vaxt və diqqət sərf etdiyini hiss etdim. Məncə, ideal 8 Mart hədiyyəsi həm mənalı, həm də fərdi olmalıdır - yəni qarşındakı insanın maraqlarına uyğun olmalıdır. Amma diqqət və hörmət hədiyyədən daha önəmlidir; sadəcə bir hədiyyə vermək kifayət etmir. Mən bu günü anama zəng edib xoş sözlər söyləməklə və onu qucaqlayaraq qeyd edirəm. Ən unudulmaz xatirim isə, bacımın mənə sürpriz hazırlayıb kiçik bir mesajla günümü gözəl etməsi olmuşdu".

Şəhər sakini Elcan Xəlilli: "Bu gün təkcə hədiyyə günü deyil, həm də yaxın qadınlara diqqət göstərmək günüdür. Mən bacıma onun sevdiyi parfümü alıram, çünki bu onun zövqünə uyğun və mənalı bir hədiyyədir. Dostuma isə rəngli, dekorativ bir planşet stiker dəsti almışdım – kiçik amma fərqli və əyləncəli. Məncə, qızlar üçün ideal hədiyyə həmişə bahalı olmaq məcburiyyətində deyil, əksinə onların maraqlarına və gündəlik həyatına uyğun olmalıdır. Amma hədiyyədən əlavə, səmimi sözlər və diqqət göstərmək daha önəmlidir. Onlara xoş söz demək, onları dinləmək və birlikdə əyləncəli vaxt keçirmək qadınları çox vaxt bahalı hədiyyədən daha çox sevindirir".

Şəhər sakini Türkan Mirzəyeva: "Mənim üçün 8 Mart əsasən sözlə və davranışla qiymət göstərmək günü kimi dəyərlidir. Hələ indiyə qədər heç vaxt 8 Martda ciddi bir hədiyyə almamışam, amma mənə edilən diqqət və xoş sözlər həmişə mənim üçün çox dəyərlidir. Bu baxımdan, ideal hədiyyə mənim üçün bahalı olmaqdan çox, diqqət və səmimiyyət daşıyan hər şey ola bilər. Məncə, diqqət və hörmət həmişə hədiyyədən önəmlidir - bir mesaj, ya da səmimi təbrik çox vaxt bahalı hədiyyədən daha çox xoşbəxtlik gətirir. Anama və yaxın dostlarıma bu günü səmimi sözlərlə, telefon zəngi və ya birlikdə vaxt keçirərək qeyd edirəm. Ən unudulmaz xatirim isə, bir il heç kimin hədiyyə etmədiyi, amma bir dostumun mənə sadəcə səmimi mesaj göndərib günümü işıqlandırması oldu".

Şəhər sakini Nahid Ağayev: "Bu bayram mənim üçün yaxın qadınlar üçün xüsusi bir gün yaratmaq deməkdir. Mən bacıma sevdiyi musiqi albomunu hədiyyə edirəm, anama isə gözəl bir şokolad qutusu alıram. Dost olduğum qızlara isə kiçik bir əl işləri aksesuarı verirəm, məsələn, rəngli qolbaq. Məncə, qızlar üçün ideal hədiyyə onların şəxsiyyətinə və maraqlarına uyğun olmalıdır. Amma hədiyyə tək başına kifayət etmir - onu səmimi söz, diqqət və birlikdə vaxt keçirmə ilə tamamlamalısan. Mənim üçün qadınların xoşbəxtliyi həm diqqət, həm qayğı, həm də hədiyyədən asılıdır. Hədiyyə və xoş söz birləşəndə, onların gününü daha xüsusi etmək mümkündür".

Şəhər sakini Könül Əliməmmədova: "Mən adətən 8 Martı yaxın qadınlara diqqət göstərmək və hədiyyələr vermək günü kimi keçirirəm. Məsələn, bacıma və dostlarıma kiçik sürprizlər, şirniyyat və ya çiçək alıram, amma özümə hədiyyə almıram. Mənim üçün bu gün başqalarını xoşbəxt etmək daha önəmlidir. Amma bu, mənim üçün bu günün mənasını azaltmır - diqqət və hörmət çox vacibdir. İdeal 8 Mart hədiyyəsi məncə qarşındakının zövqünə uyğun, düşünülmüş bir şeydir. Mən anama sözlə və kiçik sürprizlərlə diqqət göstərirəm. Ən unudulmaz xatirim isə bir il bacıma hazırladığım sürprizin onun üzündə böyük bir gülümsəmə yaratması idi; bu an mənim üçün daha qiymətli oldu, çünki başqasını xoşbəxt etmək özümü də xoşbəxt etdi".