"Azərbaycan ərazilərini İkinci Qarabağ müharibəsindən sonra işğaldan azad etdikdən sonra artıq "Böyük Qayıdış" prosesi mərhələli şəkildə həyata keçirilməyə başladı. Əlbəttə, 30 il ərzində həmin ərazilərə basdırılmış minalar və digər təhlükəli amillər bu prosesi bir qədər ləngitmişdi". Bunu SİA-ya politoloq Samir Hümbətov deyib.
O bildirib ki, hazırda minaların təmizlənməsi davam edir, paralel olaraq kəndlər və qəsəbələr salınır: "Füzuli, Cəbrayıl, Laçın, Kəlbəcər, Zəngilan və digər azad olunmuş rayonlara yavaş-yavaş əhalinin köçürülməsi həyata keçirilir. Bu da “Böyük Qayıdış” proqramının əsas hissəsidir. Burada xüsusilə nəzərə almaq lazımdır ki, elektrik, su, qaz, internet kimi infrastrukturun qurulması, yolların çəkilməsi və digər kommunikasiya xətləri böyük vəsait tələb edir.
Azərbaycan dövləti bu məqsədlə artıq 20 milyard manata qədər vəsait ayırıb, və bu məbləğin böyük hissəsi artıq xərclənib. Həyata keçirilən bu layihələr dövlətin öz vətəndaşlarına qayğısının və azad olunmuş ərazilərə diqqətinin bariz nümunəsidir. Əsas məqsəd vətəndaşların qısa müddətdə həmin ərazilərə təhlükəsiz və rahat şəkildə köçürülməsidir. Eyni zamanda, bölgənin turizm potensialı da inkişaf etdirilir. Bunun üçün nəqliyyat infrastrukturu vacib rol oynayır. Füzuli, Laçın və Zəngilanda inşa edilən hava limanları, çəkilən magistral yollar və dəmir yolları bu sahəyə böyük dəstək olacaq.
Ümumilikdə, Böyük Qayıdış prosesi işğaldan azad olunmuş ərazilərə verilən önəmin və dövlətin strateji yanaşmasının göstəricisidir".
Bütün xəbərlər Facebook səhifəmizdə
USD
EUR
GBP
RUB