Gündəlik həyatda istifadə edilən plastik qablaşdırmada artıq çəki və piylənmənin artmasına kömək edə bilən kimyəvi maddələr var. SİA bu barədə Türkiyə mətbuatına istinad edir.
"EurekAlert"in xəbərinə görə, “Environmental Science & Technology” jurnalında aparılan araşdırmada ucuz olduğu və qidaların saxlama müddətini uzatdığı üçün çox istifadə edilən plastik qablaşdırmada minlərlə müxtəlif kimyəvi maddənin olduğu ortaya çıxıb.
Norveç Elm və Texnologiya Universitetinin (NTNU) rəhbərlik etdiyi tədqiqat qrupu və Almaniyanın Goethe Universitetinin dəstəyilə qatıq qabları, içki butulkaları və mətbəx süngərləri kimi gündəlik əşyalar da daxil olmaqla 34 müxtəlif plastik məmulatı araşdıraraq, onların tərkibində hansı kimyəvi maddələr olduğunu öyrəniblər.
Təqdid edilən məhsullarda 55 mindən çox müxtəlif kimyəvi komponent aşkar edilərkən, onlardan 629-u müəyyən edilib.
Müəyyən edilmiş maddələrdən 11-nin insan metabolizminə zərər verdiyi müşahidə edilib.
Yeni araşdırmada tədqiq plastik məhsulların üçdə birində olan kimyəvi maddələrin yağ hüceyrələrinin inkişafına kömək etdiyi ortaya çıxıb.
NTNU Biologiya Departamentindən Martin Vaqner bildirib ki, onların araşdırmaları göstərib ki, plastik məhsulların tərkibində artıq çəki və piylənməyə səbəb ola bilən maddələr var.
Dünyada təxminən 2 milyard insanın artıq çəki problemi olduğu halda, onların təxminən 650 milyonu piylənmə kateqoriyasına aiddir.
Bütün xəbərlər Facebook səhifəmizdə
USD
EUR
GBP
RUB
