“Trabzon bilərziyi”nin dünya zərgərlik sənayesində Türkiyəyə xas olan yeganə zinət əşyası olduğunu bilirsinizmi? SİA bu barədə Türkiyə mətbuatına istinad edir.
Trabzon bilərziyi eyni zamanda Trabzon həsiri də adlanır. Trabzon həsir texnikasının başlanğıcı e.ə. VII əsrdə hökm sürmüş Skiflərə aiddir. Bu həsir texnikası qədim dövrlərdə həyatı qorumaq üçün istifadə edilən zirehlərin və qılıncların taxıldığı kəmərlərin istehsalında istifadə edilmişdir.
Böyük zəhmət tələb edən həsir qolbaqların hazırlanması qızıl və ya gümüş tellərlə zireh kimi toxunan, əsrlər əvvəlinə məxsus miras qalmış əl işidir. Bu əl işi zinət əşyaları Türkiyənin Qara dəniz bölgəsində yalnız Trabzonda hazırlanır. Rus İnqilabı zamanı Trabzona sığınan qafqazlar tərəfindən şəhərə gətirilən həsir toxuması daha sonra trabzonlu qadınlar tərəfindən istehsala başlandı. İstehsalın ilk illərində gümüş kimi aşağı qiymətli metallardan hazırlanmış zərgərlik məmulatları daha sonra qızıldan istifadə edilərək istehsal olunmağa başlamışdır. Trabzonlu qadınların günlərlə zəhmət çəkərək toxuduğu Trabzon bilərziyi çox qiymətli bir zinət əşyasıdır. 0,3 mm nazik gümüş və ya qızıl məftillə hazırlanmış toxuma qolbaq təxminən 15 günə istehsal oluna bilir.
Qafqazdan öyrəndikləri bu sənəti inkişaf etdirən trabzonlu qadınların toxuduğu həsir bilərziklər “qızıl krujeva” olaraq təsvir olunur və Trabzondan bütün dünya qadınlarına çatdırılır.
Bütün xəbərlər Facebook səhifəmizdə
USD
EUR
GBP
RUB