...Nigeriyalı alimlər ucuz ağac və kənd təsərrüfatı tullantılarından istifadə edərək nadir yeməli göbələk Lentinus squarrosulus yetişdirmək üçün bir üsul təqdim ediblər.
SİA-nın əldə etdiyi məlumata görə, bununla bağlı yazı ASM Microbe 2026 konfransında təqdim edilib.
Bu göbələk növü ənənəvi olaraq Nigeriyanın şərqində tapılır və çürümüş ağaclarda bitir.
Qidalandırıcı hesab olunur, lakin meşələrin qırılması və yandırılması səbəbindən populyasiyası azalır.
Bundan əlavə, vəhşi təbiətdən göbələk toplamaq, digər növlərə bənzərliklərinə görə səhvlər və mümkün zəhərlənmə riskini artırır.
Tədqiqat zamanı alimlər vəhşi təbiətdən göbələk nümunələri toplayaraq laboratoriyada müxtəlif ağac növlərindən yonqar üzərində becərilməsi üçün bir üsul hazırladılar.
Ən yaxşı böyümə Treculia africana ağacından istifadə etməklə müşahidə edildi və becərilən nümunələr vəhşi şəkildə yetişən nümunələrlə müqayisədə daha yüksək qida dəyəri nümayiş etdirdi.
Tədqiqatın müəllifi Aqbonma Onyeka qeyd edib ki, ağac emalı və kənd təsərrüfatı tullantılarından istifadə eyni zamanda qida, ətraf mühit problemlərini həll edə bilər.
Onun sözlərinə görə, bu texnologiya davamlı göbələk becərilməsinin inkişafını dəstəkləyə, təbii populyasiyalara təzyiqi azalda və fermerlər üçün yeni imkanlar yarada bilər. Əvvəllər alimlər duman içində unikal canlı ekosistemlər kəşf etmişdilər.
Əli Babayev
Bütün xəbərlər Facebook səhifəmizdə
USD
EUR
GBP
RUB