...Simfonik orkestrlər getdikcə daha çox populyar film saundtreklərinin canlı ifalarını repertuarlarına daxil edir və bununla da yeni auditoriya cəlb etmək və bilet satışlarını artırmaq istəyirlər.
The New York Times qəzetinin məlumatına görə, orkestrin böyük ekranda nümayiş olunan filmlə sinxron musiqi ifa etdiyi konsertlər musiqi sənayesində ən çox axtarılan formatlardan birinə çevrilib.
"Ulduz müharibələri", "Üzüklərin hökmdarı", "Harri Potter" və digər ikonik franşizalara əsaslanan proqramlar xüsusilə populyardır.
Bir çox məkan bu cür tədbirlərin biletlərinin satıldığını bildirir, ənənəvi klassik musiqi konsertləri isə tez-tez daha kiçik auditoriyanı cəlb edir.
Musiqi təşkilatları bu tendensiyanı dəyişən ictimai zövqlərlə əlaqələndirirlər. Bir çox gənc dinləyicilər üçün film musiqisi simfonik səslə ilk qarşılaşması idi.
Orkestrlər ümid edirlər ki, bu cür şoulara qatılan kino həvəskarları sonda klassik repertuara maraq göstərəcəklər. Canlı film musiqiləri artıq musiqi biznesində ayrı bir sahəyə çevrilib.
Dünyanın ən böyük orkestrləri məşhur film saundtreklərinə həsr olunmuş xüsusi seriyalar təşkil edir.
Məsələn, Avropa və Amerikanın aparıcı simfonik orkestrlərinin iştirakı ilə genişmiqyaslı "Ulduz müharibələri" layihələri 2026 və 2027-ci illər üçün planlaşdırılır.
Eyni zamanda, ekspertlər qeyd edirlər ki, film musiqisinin artan populyarlığı mütləq klassik musiqidə böhran demək deyil.
Əksinə, söhbət ənənəvi konsertlərə nadir hallarda gedən tamaşaçıları cəlb edə biləcək yeni bir format tapmaqdan gedir. Con Uilyams, Hovard Şor və digər bəstəkarların Hollivud musiqiləri uzun müddətdir tam hüquqlu simfonik əsərlər hesab olunur və getdikcə Motsart, Bethoven və Çaykovskinin əsərləri ilə yanaşı səsləndirilir.
Bir çox orkestr direktoru bu tendensiyanı klassik musiqinin rədd edilməsi kimi deyil, tamaşaçıların diqqəti uğrunda artan rəqabət dövründə simfonik musiqiyə marağı qorumaq üçün bir yol kimi görür.
Əli Babayev
Bütün xəbərlər Facebook səhifəmizdə
USD
EUR
GBP
RUB