Türkiyə Fransanın paytaxtı Parisdə 97 firma ilə Avropanın qabaqcıl hazır geyim, parça, aksesuar və moda sərgilərindən olan “Texworld Evolution Paris”ə qatılıb.
SİA-nın türk saytlarından əldə etdiyi məlumata görə, Avropanın ən mühüm geyim və aksesuar istehsalçılarının sərgilərindən biri olan “Texworld” fevralın 5-də qapılarını qonaqların üzünə açıb.
Fevralın 7-də başa çatacaq yarmarkaya dünyanın hər yerindən tekstil, moda, parça, ev üçün və dəri emalı kimi sektorlardan çoxlu alıcı və peşəkarlar gəlir.
Bu il sərgidə 97 Türkiyə şirkəti iştirak edir.
Türkiyə “Texworld Evolution Paris”də 19 ölkə arasında ikinci ən böyük iştirakçı ölkədir.
Parisdə “Expo Porte de Versailles” sərgi mərkəzində keçirilən yarmarkaya 3 gün ərzində minlərlə adamın gələcəyi gözlənilir.
Dünyada parça və aksesuaar sənayesinin görüş nöqtələrindən biri olan “Texworld Evolution Paris”in Türkiyənin iştirakı İstanbul Ticarət Palatası (İTO) tərəfindən həyata keçirilir.
Bütün xəbərlər Facebook səhifəmizdə
USD
EUR
GBP
RUB
