...BMT Baş katibi vəzifəsinə əsas namizəd Rebeka Qrinspan təşkilatın həddindən artıq ehtiyatlı olduğunu və islahatlara ehtiyac duyduğunu bildirib.
SİA xəbər verir ki, Reuters agentliyinə verdiyi müsahibədə o, BMT liderlərinin uğursuzluğa hazır olmalı və yenidən cəhd etməkdən çəkinməməli olduqlarını vurğulayıb.
Qrunspan daha aktiv vasitəçilik diplomatiyası və münaqişələrin qarşısının alınmasını müdafiə edir.
Nümunə olaraq, o, müharibə zamanı Ukrayna taxıl ixracının bərpasına imkan verən Qara Dəniz Taxıl Təşəbbüsünü misal gətirib.
Beynəlxalq böhranlarda BMT-nin daha proaktiv rol oynamasını müdafiə edən namizəd bildirib ki, "Lider uğursuzluğun bədəlini qəbul etməli və yenidən cəhd etməlidir".
Qrinspan bürokratiyanın azaldılmasını digər prioritet kimi qeyd edib.
Onun fikrincə, təşkilat sadəcə xərcləri azaltmaq əvəzinə, funksiyaların təkrarlanmasını aradan qaldırmalı və resursları əsas vəzifələrə yönəltməlidir.
BMT-nin Ticarət və İnkişaf üzrə Konfransına - UNCTAD-a rəhbərlik edərkən o, işçi heyətinin sayını təxminən 20 fiz azaltdı.
Qrinspan həmçinin sülhməramlı əməliyyatlara yenidən baxmağa və Haiti böhranının həlli də daxil olmaqla ənənəvi missiyalara alternativlər axtarmağa çağırır.
Eyni zamanda, o, Təhlükəsizlik Şurasının beş daimi üzvü ilə sıx dialoqun vacib olduğuna inanır.
Cümə günü Təhlükəsizlik Şurası António Quterreşin yerinə namizədlərin növbəti ilkin səsverməsini keçirəcək. Qrinspan əvvəlki beş turdan dördündə liderlik edərək doqquz səs dəstəyi alıb. Rəsmi namizədlik üçün minimum doqquz səs və daimi üzvlərdən veto tələb olunmur. Eyni zamanda, Qrinspan yeni rəqiblərin ortaya çıxacağını gözləyir. "Oyun hələ bitməyib, - deyə o vurğulayıb.
Əli Babayev
Bütün xəbərlər Facebook səhifəmizdə
USD
EUR
GBP
RUB