...Yəmən hökumət qüvvələri Səudiyyə Ərəbistanının dəstəyi ilə Bab əl-Məndəb boğazına yaxın əksər ərazilərdən husiləri sıxışdırıb çıxarıb.
Qırmızı dənizdən keçən mühüm neft daşınması marşrutu oradan keçir.
SİA-nın əldə etdiyi məlumata görə, bu barədə Reuters agentliyi bildirib.
Dörd hökumət mənbəyi bildirib ki, 5 oktyabr axşamı hökumət qoşunları Mokha şəhərinin kənarına yaxınlaşıb və husilər dağlara çəkilməyə başlayıblar.
Yəmən Müdafiə Nazirliyi şəhərin onların nəzarəti altına keçdiyini açıqlayıb.
Hərbçilər həmçinin boğazdan çıxışın yaxınlığındakı Dubab ərazisindəki uçuş-enmə zolağı da daxil olmaqla, mühüm mövqeləri ələ keçiriblər.
Boğazda sahilin itirilməsi husilərin gəmilərə hücum etməsini daha da çətinləşdirəcək.
Lakin onları tamamilə dayandırmaq mümkün olmayacaq: yaraqlılar hələ də sahilin digər hissələrindən və ölkənin daxili hissələrindən dronlar buraxa bilərlər.
Bundan əlavə, husilər Səudiyyə Ərəbistanı üzərindəki hava nəqliyyatına hücum etməklə hədələyirlər.
Cəbhənin digər hissəsində vəziyyət daha mürəkkəbdir.
Beş hərbi mənbəyə görə, husilər Taiz şəhəri yaxınlığındakı dağ yolunun bir hissəsini ələ keçiriblər və hökumət qoşunları mühasirəyə alınıb.
Lakin agentliyin həmsöhbətlərindən biri yolun bağlanmasına etiraz edib.
Husilər 2023-cü ilin sonundan bəri Qırmızı dənizdə ticarət gəmilərinə hücum edirlər və təhlükə səbəbindən bir çox şirkət bu marşrutu keçmək məcburiyyətində qalıb.
Əli Babayev
Bütün xəbərlər Facebook səhifəmizdə
.jpg "Qubada 19 kiloqram narkotik vasitə aşkarlanıb")
.jpg "Müəllimdən yüksək ad tanımıram")
USD
EUR
GBP
RUB