Rusiyalı məşhur müğənni Alla Puqaçova ABŞ-ın Mayami şəhərində yerləşən dəbdəbəli mənzilini böyük qızı Kristina Orbakaytenin adına keçirib. Kult.az Lent.az-a istinadla xəbər verir ki, əmlakın rəsmiləşdirilməsi zamanı müqavilədə simvolik olaraq cəmi 1 dollar göstərilib.
Söhbət Mayaminin nüfuzlu Bal Harbour kurort bölgəsində yerləşən Majestic Tower yaşayış kompleksindəki 285 kvadratmetrlik mənzildən gedir. Alla Puqaçova bu əmlakı 2004-cü ildə 2 milyon dollardan çox ödəyərək alıb.
Mənzildə üç yataq otağı, dörd hamam otağı və Atlantik okeanına açılan mənzərə var. Yaşayış kompleksi də zəngin infrastrukturu ilə seçilir. Burada qızdırılan hovuzlar, tennis kortları, şəxsi kitabxana və hətta damında helikopter meydançası yerləşir.
Araşdırmalara görə, bu mənzilin mülkiyyət hüququ ilk dəfə dəyişdirilmir. Təxminən on il əvvəl mənzilin ortaq sahibləri sırasında Kristina Orbakayte, Alla Puqaçovanın nəvəsi Nikita Presnyakov və kürəkəni Mixail Zemtsov da yer alıb. Bir il sonra Mixail Zemtsov qohumlarının paylarını cəmi 10 dollara alaraq mənzilin yeganə sahibi olub. Daha sonra, 2020-ci ildə Kristina Orbakayte əmlakı yenidən öz adına keçirib və bunun üçün həyat yoldaşına simvolik olaraq 1 dollar ödəyib.
Bundan sonra ailəyə məxsus daşınmaz əmlak ABŞ-da fəaliyyət göstərən trast fondlarının idarəçiliyinə verilib. Bildirilir ki, bu addım ailənin bahalı daşınmaz əmlakını mümkün sanksiyalardan qorumaq məqsədi daşıyır.
Mətləb
Bütün xəbərlər Facebook səhifəmizdə
USD
EUR
GBP
RUB