...Və beləliklə, özünü Ukrayna müharibəsinin veteranı kimi təqdim edən Aleksandr Lunin “İnstaqram”da yayımladığı videomüraciətdə bildirib ki, Vladimir Putin əsgərlərin problemlərini həll etməkdən imtina edərsə, Rusiya ordusu “silahlarını Kremlə tərəf çevirəcək”.
SİA-nın əldə etdiyi məlumata görə, “Mobilizationsia. Novosti” Telegram kanalı yazır ki, bu, könüllü birləşmənin keçmiş döyüşçüsüdür, "Dojd" isə Voronej vilayətindən olduğunu əlavə edir.
Lunin iddia edir ki, Rusiya Federasiyası Silahlı Qüvvələrinin "onlarla, yüzlərlə və minlərlə" əsgəri "axmaq intihar" əmrlərini yerinə yetirməkdən və pullarını tələb etdikləri üçün komandanlıq tərəfindən işgəncəyə və zorakılığa məruz qalır. Və sonda onlar sıfırlanır, itkin düşürlər.
Deyim ki, bunu dəfələrlə sosial şəbəkələrində hakimiyyəti tənqid edən videolar yayımlayan "SVO veteranı" bildirib.
Lunin həmçinin iddia edir ki, Müdafiə Nazirliyinin və təhlükəsizlik qüvvələrinin nümayəndələri ilə görüşüb və onlardan Putinə federal kanalda canlı görüş üçün xahiş çatdırmalarını istəyib və orada “hazırda ölkədə baş verən bütün həqiqətləri” danışacaq.
...Nəticələr çox ciddi olacaq. Əgər yaxın gələcəkdə Kremlə gəlməsəm və sizin yanınızda canlı danışmasam, ordu silahlarını Kremlə qarşı yerləşdirəcək. Mən sadəcə bir mesaj ötürürəm, - deyə Lunin bildirib.
Video 25 iyun tarixində günorta saatlarında yayımlanıb və artıq 2 milyondan çox baxış, 110 mindən çox bəyənmə, eləcə də 7 mindən çox şərh alıb. Əvvəlki paylaşımlardan birində Lunin xəbərdarlıq etmişdi ki, əgər ona ölkədə baş verənlər barədə canlı yayımda danışmağa icazə verilməsə, ölkədə "ətçəkən maşın işə düşəcək", nəticədə ordu üsyan qaldıracaq.
...Əgər mənim və ya yaxınlarımın və ya ailəmin başına bir şey gəlsə, bu, hərəkətlərə başlamaq üçün bir siqnal olacaq. Bu, blöf deyil, - deyə əsgər bildirib.
O, həmçinin iddia edib ki, onun ünvanına təhdidlər göndərilir.
Əli Babayev
Bütün xəbərlər Facebook səhifəmizdə
USD
EUR
GBP
RUB