...Qəzza zolağında saxlanılan məhbus İsrailin baş naziri Binyamin Netanyahuya və İsrail xalqına müraciət edir: “İndi etdiyim iş öz əllərimlə öz qəbrimi qazmaqdır”.
SİA-nın məlumatına görə, bu müraciət HƏMAS-ın hərbi qanadı Əl-Qəssam Briqadaları tərəfindən yayımlanan yeni videoda yer alıb.
İsrail mediasının Avitar David kimi tanıdığı məhbus videoda son dərəcə arıq bədəni ilə dar tuneldə gündəlik aclıq əzabını nümayiş etdirir.
Onun çıxışı davam edən müharibə və İsrailin Qəzzanı blokadası fonunda ağır fiziki və psixoloji vəziyyəti əks etdirir. Bir gün əvvəl yayılan videodan sonra bugünkü görüntülər məhbusun tuneldə döşəkdə oturaraq, divardan asılmış kağız vərəqlərə əsirlikdə olduğu günləri yazması, yeməklərin cüzi hissələrini - bir növ aclıq və ağrı gündəliyini qeyd etməsi ilə başlayır.
Açılış sözləri keçən bazar günü, iyulun 27-nə aiddir.
O, kameraya müraciət edir: "Nə yeyəcəyimi bilmirəm. Günlərdir heç nə yemirəm" və əlavə edir: "Aylardır çox çətin şəraitdə yaşayıram və içməyə su tapıram".
O, ancaq mərcimək və lobya yediyini deyir: "Görün mən necə arıqam. Bu, fantaziya deyil, bu, reallıqdır".
Videoda həmçinin mühasirə gücləndirilməmişdən əvvəl çəkilmiş bir qrup məhbusun yemək yeyib daha yaxşı formada görünməsi, gülümsəməsi və kameramana təşəkkür etməsinin görüntüləri də var.
Əli Babayev
Bütün xəbərlər Facebook səhifəmizdə
USD
EUR
GBP
RUB