HƏMAS bəyan edib ki, İsrailin atəşkəs razılaşmasının şərtlərinə əməl etməməsi nəticəsində yaranan maneələr vasitəçilərin səyi ilə aradan qaldırılıb. SİA bu barədə Türkiyə saytlarına istinad edir.
HƏMAS-ın yazılı açıqlamasında “İsrailin atəşkəs razılaşmasının şərtlərinə əməl etməməsi nəticəsində yaranan maneələr bu gün səhər saatlarında vasitəçilərin dəyərli səyləri sayəsində aradan qaldırıldı” ifadələrindən istifadə edilib.
Açıqlamada məqsədin fələstinli qrupların və əhalinin bütün təbəqələrinin iştirakı ilə “milli girov mübadiləsi” həyata keçirmək olduğu vurğulanaraq deyilib:
“Girovların mübadiləsi sazişinin birinci mərhələsində azadlığa buraxılacaq şəxslərin siyahıları mərhələ və prosedurlara uyğun olaraq Girovlar Bürosu vasitəsilə dərc olunacaq”.
Qeyd edək ki, vasitəçi ölkələrdən biri olan Qətər yanvarın 15-də İsrail və HƏMAS-ın Qəzzada atəşkəs və əgirov mübadiləsi ilə bağlı razılığa gəldiyini açıqlayıb.
Müqavilə bazar günü, yanvarın 19-da qüvvəyə minəcək. 3 mərhələdən ibarət atəşkəs razılaşmasının ilk 42 günündə 33 israilli girov azadlığa buraxılacaq.
Müqavilə Qəzza zolağına hərtərəfli humanitar yardımların, eləcə də köçkün fələstinlilərin öz ərazilərinə qayıtmaq imkanlarını əhatə edir.
İkinci və üçüncü mərhələlərin təfərrüatları birinci mərhələ başa çatdıqdan sonra elan ediləcək.
İsrail HƏMAS-ı günahlandırıb razılaşmanın ratifikasiyasını gecikdirsə də, HƏMAS atəşkəsə sadiq qaldığını açıqlayıb.
Bütün xəbərlər Facebook səhifəmizdə
USD
EUR
GBP
RUB
