...1987-ci ilin Porsche 944 idman avtomobili maraqlı layihə üçün əsas oldu. O, altı təkərli yük maşınına çevrildi.
SİA-nın əldə etdiyi məlumata görə, bu barədə Amerikanın “Road and Track” nəşri məlumat yayıb.
…İdman avtomobili uzadıldı və üçüncü ox əlavə edildi.
Porsche 944-ün qeyri-adi tüninqi Almaniyanın Karlsbad şəhərində həyata keçirilib. Avtomobil 1995-ci ildən 2021-ci ilə kimi 26 il ərzində yavaş-yavaş təkmilləşdirilib. Onun üzərində iş 2500 saat çəkib.
Porsche 944 S idman avtomobili əhəmiyyətli dərəcədə uzadıldı və üçüncü ox əlavə edildi.
Arxa tərəfdə taxta ilə işlənmiş alüminiumdan hazırlanmış böyük yük platforması var. Çıxarıla bilən dam panellərinin gizləndiyi korpusda bir qutu da quraşdırılmışdır.
Bundan əlavə, avtomobil Porsche 924 Carrera GT avtomobilinin faraları və 90-cı illərin Porsche 911 Turbo modelindən 17 düymlük BBS diskləri ilə təchiz edilib. Arxada yedək çubuğu və çıxarıla bilən gövdə tərəfi quraşdırılıb.
Kapotun altında 5 pilləli mexaniki transmissiya ilə işləyən Porsche 968-dən 3,0 litrlik 240 at güclü dördlük var. Oxlar Audi 200 Turbo-dan götürülmüşdür.
İndi Porsche 944 pikapı satışa çıxarılıb. Unikal avtomobil 99 990 avro dəyərində qiymətləndirilib.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB