…NASA-nın Qoddard Kosmik Uçuş Mərkəzinin amerikalı alimləri belə qənaətə gəliblər ki, Ayın dərinliklərində qismən ərimiş mantiya təbəqəsi var. Bunu Yerin təbii peykinin qravitasiya xüsusiyyətləri göstərir.
SİA-nın əldə etdiyi məlumata görə, tədqiqat AGU Advances elmi jurnalında dərc olunub.
Ayın gelgitlərinin təhlili nəticəsində yeni sübutlar ortaya çıxdı. Ayın Yerdən və Günəşdən gələn gelgit qüvvələrinə reaksiyası qismən onun dərin daxili strukturundan asılıdır. Komanda Ayın içini simulyasiya etmək üçün bir modeldə Ayın cazibə qüvvəsindəki aylıq və illik dəyişikliklərdən, həmçinin Ayın orta sıxlığı haqqında məlumatlardan istifadə edib.
Alimlər müəyyən ediblər ki, Ay mantiyasının altındakı yumşaq təbəqənin parametrləri hesablamalara daxil edilmədən hesablama nəticələri müşahidə olunan təsirlərə uyğun gəlmir.
Tədqiqatçılar fərz edirlər ki, mantiyanın maye hissəsi varsa, o, ilmenit adlanan titanla zəngin materialdan ibarət ola bilər. Bununla belə, ekspertlər qeyd ediblər ki, bu təbəqəni daha yaxşı başa düşmək və süxurları milyardlarla ildir ərimiş vəziyyətdə saxlayan istilik mənbəyini müəyyən etmək üçün daha çox araşdırmaya ehtiyac var.
Əvvəllər alimlər Ayın dərinliklərinin qiymətli daşlarla zəngin olduğunu müəyyən etmişdilər.
Əli Babayev
Bütün xəbərlər Facebook səhifəmizdə
USD
EUR
GBP
RUB