…Amerikanın silah istehsalçısı Lockheed Martin 2025-ci ildə yeni hava-yer raketi AGM-179 Birgə Hava-Yer Raketinin (JAGM) dəniz versiyasını sınaqdan keçirməyi planlaşdırır, SİA-nın əldə etdiyi məlumata görə, “Breaking Defence” portalı təşkilatın Melburndakı sərgisinə istinadən xəbər verir.
Şirkət dörd raket daşıya bilən JAGM Quad Launchers (JQL) ilə təchiz edilmiş ABŞ Hərbi Dəniz Qüvvələrinin MkVI patrul katerinə bənzəyən gəminin maketini nümayiş etdirib. Onlar döyüş maşınlarından və yerüstü gəmilərdən raketlər atmağa imkan verir.
Sursat AGM-114R Hellfire raketinin hərəkət sistemi və döyüş başlığı əsasında yaradılıb, onlara istiqamətləndirmə sistemi əlavə edilib.
JQL-nin gəmilərə inteqrasiyası həm də JAGM-nin dənizdə ilk sınaqları demək olacaq. Müdafiə departamentindəki portal mənbənin sözlərinə görə, potensial olaraq yeni raketlər dəniz pilotsuz təyyarələri və pilotsuz uçuş aparatları ilə mübarizə üçün istifadə olunacaq.
Xüsusilə, söhbət 2023-cü ildən bəri Yəmən husilərinin Qırmızı dənizdə gəmilərə, o cümlədən ticarət gəmilərinə qarşı istifadəsinə davam edən pilotsuz uçuş sistemlərindən gedir. JAGM-in maksimal məsafəsi 8 km-dir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB