Yeni üçüncü nəsil Audi Q5 Almaniyada təqdim olundu. Premium krossover bu ay Aİ-də 52 300 avro qiymətinə satışa çıxarılacaq. Onun təfərrüatları alman avtomobil istehsalçısının rəsmi saytında açıqlanıb. SİA bu barədə rus saytlarına istinad edir.
Audi Q5 2025 dizaynı
Audi Q5 krossoveri yeni korporativ üsluba malikdir və yeni Audi A5 və Q6 e-tron-u xatırladır. Korpus xətləri hamarlaşıb, radiator barmaqlığı genişlənib, fənərlər isə nazikləşib. Yeri gəlmişkən, ön optika matris ola bilər, arxa optikada isə üzvi diodlar (OLED) var. Maraqlıdır ki, spoylerdəki xüsusi işıq təsviri proyeksiya edə bilir.
Audi Q5 2025 müasir PPC platformasına əsaslanır. Krossover sələfindən bir qədər böyükdür.
Audi Q5 2025 Audi Q5 2025-in interyeri və avadanlığı
Audi Q5 2025-in interyeri tanış tərtibatı qoruyub saxlayır və daha müasirləşib. Ön paneldə üç displey quraşdırılıb: virtual cihazlar paneli, multimedia sistemi üçün 14,5 düymlük sensor ekran (Android əsasında) və ön sərnişin üçün ayrıca 10,9 düymlük ekran...
Bundan əlavə, ön şüşəyə proyeksiya mövcuddur. Ötürücü qolun yerinə düymələr quraşdırılıb. İkinci sıra oturacaqların üfüqi tənzimlənməsi və dəyişən arxa dayaq bucağı var.
Audi Q5 2025-in əsas avadanlığı genişləndirilib və hazırda parkinq sensorları, sürət məhdudlaşdırıcı ilə kruiz-kontrol, nişanların tanınması və sürücünün yorğunluğuna nəzarət sistemləri daxildir. Seçimlərə 685 vatt gücündə Bang&Olufsen dinamikləri daxildir.
Yeni Audi Q5, xüsusiyyətləri
Bütün 2025 Audi Q5-lər 48 voltluq yumşaq hibrid qurğu alır. Əvvəldən standart model 2,0 litrlik benzin turbo mühərrikləri (204 və 272 at gücü) və 2,0 litrlik 204 at gücündə turbodizellə təklif olunur.
Sonuncu halda orta yanacaq sərfiyyatı 6,6 l/100 km təşkil edir. 367 at gücü hasil edən 3,0 litrlik V6 tvin-turbo mühərriki ilə doldurulmuş Audi SQ5 krossoverini xüsusi qeyd etmək lazımdır.
Onun qiyməti 82 900 avrodan başlayır. Avtomobil ön və ya tam ötürücü ilə təklif olunur. O, adaptiv amortizatorlar və pnevmatik asqı ilə təchiz oluna bilər.
Nazlı Almuradova
Bütün xəbərlər Facebook səhifəmizdə
.jpg){kind=logo}
USD
EUR
GBP
RUB
