ABŞ-da 1913-cü ilin Waverly Model 93 Brougham modeli Mecum-da hərraca çıxarılıb. Vintage avtomobil elektriklə işləyən avtomobildir. Onun təfərrüatları hərracın saytında açıqlanıb.
SİA bəzi elmi mənbəələrə istinadən xatırladır ki, XX əsrin əvvəllərində elektrik avtomobilləri kifayət qədər populyar olub. Lakin benzinlə işləyən avtomobillərin inkişafı səbəbindən sonradan onlar bazardan sıxışdırıldı.
Bu gün Waverly Model 93 Brougham-dan əvvəl çox az sayda köhnə elektrik avtomobili “sağ qalıb”.
Bu xüsusi Waverly 2002-ci ilə qədər eyni ailədə idi və hətta orijinal istifadəçi təlimatını saxlayır.
…Waverly Electric Model 93 Brougham vaqona bənzəyir. Onun gövdəsi ağacdandır və damı çıxarıla biləndir. Salon dəri ilə işlənib, sürücü və sərnişinlər üzbəüz oturublar. Baqaj rəfləri ön və arxada quraşdırılıb.
Orijinal Waverly Model 93 Brougham bir dəfə doldurmaqla 130-160 km məsafə qət edə bilirdi. Ancaq indi avtomobildə yeni elektrik stansiyası var. Məsələ burasındadır ki, o, bərpa olunub və motor, akkumulyator və idarəetmə elementləri dəyişdirilib. İndi onu müasir 120 voltluq Amerika elektrik şəbəkəsindən doldurmaq olar.
Əli Babayev
Bütün xəbərlər Facebook səhifəmizdə
USD
EUR
GBP
RUB
