Türkiyənin ilk yerli müşahidə peyki İMECE-nin kosmosa göndərilməsi prosesi hava şəraiti ilə bağlı (fırladılmasına 27 saniyə qalmış) yenidən təxirə salındı. SİA bu barədə Tükiyə saytlarına istinad edir.
İMECE Layihə meneceri emir Serdar Aras və komandası peykin ABŞ-dakı Vandenberq Kosmik Qüvvələri Bazasına buraxılmasını koordinasiya edərkən, proqram eyni vaxtda Türkiyədəki TÜBİTAK-ın (Türkiye Elmi və Texniki Araşdırmalar Şurası) Yer İzləmə Stansiyasında həyata keçirilib.
İMECE peykini orbitə daşıyacaq "Falcon 9" raketinin istismarına cavabdeh olan "SpaceX" şirkəti hava şəraiti ilə əlaqədar olaraq buraxılış əməliyyatına 27 saniyə qalmış əməliyyatın təxirə salındığını bildirib.
"SpaceX"-in tvitter hesabından edilən paylaşımda əlverişsiz hava şəraiti səbəbindən göndərmə prosesinin Türkiyə vaxtı ilə saat 09:47-də hədəf alındığı qeyd edilib.
Xatırladaq ki, aprelin 12-də axşamı baş tutması planlaşdırılan buraxılışın bir gün gecikdirildiyi açıqlanıb. SpaceX-in açıqlamasında da hava şəraitinin izləndiyi bildirilib.
Daha sonra göndərmə prosesi ikinci dəfə təxirə salındı və "SpaceX" əlavə vaxtın komandalara buraxılışdan əvvəl yoxlamaları tamamlamağa və hava şəraitini yaxşılaşdırmağa imkan verəcəyini bildirib.
Bütün xəbərlər Facebook səhifəmizdə
USD
EUR
GBP
RUB