Futbol üzrə Misli Premyer Liqasında IX tura start verilib. SİA xəbər verir ki, günün ilk matçı "Karvan-Yevlax"la "Turan Tovuz" komandaları arasında baş tutub.
Şamaxı şəhər stadionunda oynanılan görüş saat Tovuz təmsilçisinin 2:1 hesablı qələbəsi ilə yekunlaşıb. Matçda hesabı mominal meydan sahibləri açıblar. 69-cu dəqiqədə Şakil Sno fərqlənib. Qonaqların qollarını isə 71-ci dəqiqədə Alexandro Serrano, 77-ci dəqiqədə Roberto Olabe vurublar.
Bu nəticədən sonra Tovuz klubu 18 xalla turnir cədvəlinin ilk pilləsinə yüksəlib. Yevlax təmsilçisi isə 5 xalla 11-ci sırada qalıb.
Günün digər oyununda "Kəpəz" Qəbələ şəhər stadionunda "İmişli"ni sınağa çəkəcək. Qarşılaşma saat 17:00-da start götürəcək.
Gəncə klubu 3 xalla sonuncu - 12-ci sırada yer alıb. İmişlinin eyniadlı komandası isə 9 xalla 8-cidir.
Qeyd edək ki, turun digər oyunları oktyabrın 25-26-da keçiriləcək.
Bütün xəbərlər Facebook səhifəmizdə
.png)
USD
EUR
GBP
RUB