"Qarabağın "Atletik Bilbao" ilə oyunu göstərdi ki, komanda artıq Avropa səviyyəsində rəqabət apara bilir, lakin yüksək templə oynayan klublara qarşı tam sabit performans göstərmək üçün hələ bəzi mərhələləri keçməlidir". Bu sözləri SİA-ya açıqlamasında baş məşqçi Qrif Əsədov deyib.
Onun sözlərinə görə, oyunun ilk hissəsində biz çox düzgün pressinq tətbiq etdik, xüsusilə Andrade-nin qolu rəqib müdafiəsinin səhvini yaxşı oxumağımızın nəticəsi idi. Bu, komandamızın oyun intizamının və taktiki çevikliyinin göstəricisidir: "Lakin ilk hissənin sonlarında buraxılan qol həm oyunun ritmini, həm də futbolçuların psixoloji balansını dəyişdi. İkinci hissədə rəqib daha aqressiv presinqə keçdi, biz isə həm fiziki, həm də konsentrasiya baxımından bir qədər gerilədik. Bu cür komandalar - xüsusilə Atletik kimi La Liqa təmsilçiləri - ən kiçik səhvləri belə bağışlamır. Əsas problem müdafiədən hücuma keçidlərdə sürətin azalması və cinahların zaman-zaman boşalması idi. İspan klubunun ikinci və üçüncü qolları da məhz bu məqamların nəticəsində gəldi. Buna baxmayaraq, Qarabağ ümumi oyun keyfiyyətinə görə geridə qalmadı. Biz hücumda kombinasiyalı oyun qurmağı bacardıq, lakin son ötürmələrdə və qərarvermə anlarında səmərəlilik çatmadı. Psixoloji baxımdan isə düşünürəm ki, futbolçular oyunun müəyyən hissələrində hesabı qorumağa daha çox fokuslandılar, halbuki biz hücumda aktivliyi itirməməli idik. Bu, Avropa təcrübəsinin toplandığı prosesdir. Qarabağ artıq illərdir belə oyunlarda iştirak edir və hər belə görüş komandanın beynəlxalq səviyyədə püxtələşməsi deməkdir.
Bu məğlubiyyətə baxmayaraq, komandada müsbət dinamika var. İlk iki oyundan 6 xal qazanmaq böyük üstünlükdür və bu nəticə hələ də Qarabağın qrupdan çıxmaq şanslarını real saxlayır. İndi əsas məsələ bu oyundan düzgün nəticə çıxarmaq, fiziki və taktiki hazırlığı artırmaq, xüsusilə də son dəqiqələrdə oyunun idarəçiliyini saxlamaqdır. Qarabağ üçün ən önəmlisi, bu məğlubiyyətin inamı sarsıtmamasıdır. Əksinə, belə oyunlar komandanın gücünü daha da möhkəmləndirir. Mən inanıram ki, növbəti turlarda futbolçularımız həm taktiki baxımdan daha çevik, həm də psixoloji baxımdan daha dayanıqlı çıxış edəcəklər".
Bütün xəbərlər Facebook səhifəmizdə
.jpg)
USD
EUR
GBP
RUB
