Çalışırıq ki, “Kürü keçək?!” yarışını gələcəkdə beynəlxalq səviyyədə təşkil edək - Üzgüçülük Federasiyasının prezidenti
“Kürü keçək?!” yarışının davamlı olmasını arzulayırıq. SİA xəbər verir ki, bu sözləri Azərbaycan Üzgüçülük Federasiyasının prezidenti Zaur Əliyev Mingəçevir şəhərində təşkil edilən “Kürü keçək?!” yarışı barədə jurnalistlərə açıqlamasında deyib.
O, yarış üçün 600-ə yaxın iştirakçının qeydiyyatdan keçdiyini bildirib: "Özüm də ilk dəfədir burada iştirak edirəm. Sevindirici haldır ki, bu yarışa gənclərin və xanımların marağı böyükdür. Bunun sayəsində onlar üzgüçülük idman növünü sevirlər. Çalışırıq ki, “Kürü keçək?!” yarışını gələcəkdə beynəlxalq səviyyədə təşkil edək".
Sayca 4-cü dəfə təşkil edilən yarışda ölkənin bütün şəhər və rayonlarından üzmə bacarığına malik 12 yaşdan yuxarı şəxslər iştirak edirlər.
Bütün xəbərlər Facebook səhifəmizdə
USD
EUR
GBP
RUB