Münxenin Bavariya klubu Bundesliqanın 28-ci turunun açılış matçında səfərdə “Auqsburq” ilə qarşılaşıb. SİA xəbər verir ki, oyunda münxenlilər 3:1 hesabı ilə qalib gəliblər.
Görüşdə hesabı ev sahibləri açıb. “Auqsburq”un yunan müdafiəçisi Dimitrios Ciannoulis 30-cu dəqiqədə adını tabloya yazdırıb. Qarşılaşmanın 42-ci dəqiqəsində Camal Musiala oyunda tarazlığı bərpa edib - 1:1.
Oyunun 60-cı dəqiqəsində Harri Keyn “Bavariya”nı hesabda irəli çıxarıb - 2:1. Lakin bu da oyunda son olmayıb. Qarşılaşmanın sonunda (90+3) “Auqsburq”un müdafiəçisi Krislayn Matsimanın avtoqolu “Bavariya”nın üstünlüyünü iki topa çatdırıb - 3:1. Görüş bu hesabla da başa çatıb.
Bu qələbədən sonra “Bavariya” xallarının sayını 68-ə çatdırıb. “Auqsburq”un isə 39 xalı var.
Bundesliqanın 28-ci turu çərçivəsində keçiriləcək digər görüşlər aşağıdakılardır:
5 aprel
“Leyptsiq” - “Hoffenhaym”
“Haydenhaym” - “Bayer Leverkuzen”
“Frayburq” - “Borussiya Dortmund”
“Maynts” - “Holştayn Kiel”
“Boxum” - “Ştutqart”
“Verder Bremen” - “Ayntraxt Frankfurt”
6 aprel
“St Pauli” - “Borussiya Münxenqladbax”
“Union Berlin” - “Volfsburq”.
Bütün xəbərlər Facebook səhifəmizdə
.jpg)
USD
EUR
GBP
RUB