Dəyərli ziyalı, tanınmış ictimai-siyasi xadim Anar İbrahimovun 50 illik yubileyidir.
Anar İbrahimov ömrünün yarım əsrini dövlətə, xalqa və Vətənə xidmətə həsr etmiş, bu yolda öz dəst-xətti, prinsipial mövqeyi və dəyişməz dəyərləri ilə seçilən şəxsiyyətlərdəndir.
Onun Azərbaycanın dövlət müstəqilliyinin möhkəmləndirilməsində, Naxçıvan Muxtar Respublikasının inkişafında, qanunvericilik fəaliyyətinin təkmilləşdirilməsində və müasir parlament quruculuğunun formalaşmasında mühüm xidmətləri vardır. Ali Məclisin deputatı və rəhbəri kimi Anar müəllim Vətənə və dövlətə xidmətin layiqli nümunəsini yaradıb.
Yeni Azərbaycan Partiyasındakı fəaliyyəti də onun dövlətçilik mövqeyinin və siyasi əqidəsinin mühüm göstəricisidir. Anar İbrahimov dövlətə, Ulu Öndər Heydər Əliyevin müəyyən etdiyi siyasi kursa və Prezident İlham Əliyevin siyasətinə sədaqəti ilə seçilir.
Doğru bildiyi yoldan geri çəkilməmək, mövqeyini şəraitə görə dəyişməmək bəzən Anar müəllim üçün asan olmayıb. Lakin onu Anar İbrahimov edən, naxçıvanlıların gözündə ucaldan və ölkənin ictimai-siyasi həyatında nüfuz qazandıran əsas xüsusiyyətlərindən biri də məhz bu prinsipiallığıdır.
Anar müəllim dəyişməyən insandır. Onun dəyişməyən dəyərləri, dəyişməyən dövlətçilik mövqeyi və Vətənə bağlılığı var. Elə buna görə də onu tanıyan hər kəs üçün Anar İbrahimov xüsusi dəyər daşıyır.
Hörmətli Anar müəllim!
Sizi 50 illik yubileyiniz münasibətilə səmimi-qəlbdən təbrik edir, Sizə möhkəm can sağlığı, uzun ömür, ailə səadəti və dövlətimizə, xalqımıza xidmət yolunda yeni uğurlar arzulayıram.
Əminəm ki, bundan sonrakı fəaliyyətiniz də zəngin həyat və dövlətçilik təcrübənizlə Azərbaycanın inkişafına, Naxçıvanın tərəqqisinə və milli dövlətçilik ideallarımızın daha da möhkəmlənməsinə xidmət edəcək.
Bu əlamətdar yubiley münasibətilə Səs Media Qrupu adından Sizi bir daha ürəkdən təbrik edir, möhkəm cansağlığı, uzun və mənalı ömür, ailə səadəti və bütün fəaliyyətinizdə uğurlar arzulayıram.
Allah Sizi qorusun.!
Bəhruz Quliyev
Bütün xəbərlər Facebook səhifəmizdə
.jpg "Bələdiyyələrin problemləri bitmir: araşdırmamız davam edir!")
USD
EUR
GBP
RUB