...Yapon alimləri ürəyin qocalma prosesini yavaşlatmaq üçün unikal bir üsul kəşf ediblər ki, bu da onun funksiyasının qismən bərpasına imkan verir.
SİA-nın xarici qaynaqlardan əldə etdiyi məlumata görə, bu barədə Qakuşuin Universitetinin Təbiət Elmləri Fakültəsinin professoru Şigeru Yanagi bildirib.
Tədqiqatçılar laboratoriya siçanları üzərində bir sıra təcrübələr aparıblar. Onlar təbii alkaloid berberinə əsaslanan mitorubinin təsirini araşdırıblar.
Tədqiqat göstərib ki, bu preparatın istifadəsi mitoxondrilərin səmərəliliyini əhəmiyyətli dərəcədə artırır.
Mitoxondriyalar hüceyrədaxili enerji stansiyaları kimi fəaliyyət göstərir.
Lakin yaş artdıqca onların sayı azalır və performansları aşağı düşür. Yeni maddənin istifadəsi təcrübə heyvanlarının ürək hüceyrələrində istehsal olunan enerji miqdarını artırıb. Dərman həmçinin sağlam mitoxondrilərin ümumi sayının artmasına səbəb olub.
Mütəxəssisin fikrincə, mitoxondrial funksiyanın pozulması qocalıqda əksər patologiyaların inkişafının əsasını təşkil edir. Test nəticələri ürəyin deqradasiyasını yavaşlatmaq və onun fəaliyyətini yaxşılaşdırmaq ehtimalını təsdiqləyib.
Lakin layihə rəhbəri Şigeru Yanagi qeyd edib ki, məlumatlar laboratoriya heyvanlarında əldə edilib.
İnsanlarda oxşar terapevtik təsiri təsdiqləmək üçün əlavə klinik sınaqlar tələb olunacaq.
Gələcək sınaqların uğurla başa çatdırılması yaşla əlaqəli ürək-damar xəstəlikləri üçün prinsipial olaraq yeni müalicə strategiyalarının hazırlanması üçün təməl qoya bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB
