Film və seriallar cəmiyyətin maraq göstərdiyi və ən sevdiyi sahələrdən biridir. Hər il müxtəlif mövzularda filmlər və seriallar səhnəyə qoyulur. Sosial şəbəkələrdə də bu sahəyə maraq böyükdür. Bəs vətəndaşlar ən çox hansı mövzuda film və seriallara üstünlük verir? SİA bu barədə vətəndaşların fikirlərini öyrənib.
Azərbaycan Dövlət Pedaqoji Universitetinin Kitabxana İnformasiya Mərkəzinin direktoru Zinharə Həsənova: "Son zamanlar televiziyada gedən bəzi film və seriallar məni qane etmir. Yaxşı olar ki tərbiyəedici, bizim mentalitetimizə uyğun mövzularda ailələrin qorunması ilə bağlı film və seriallar çəkilsin. Şou-biznesdən çox bu mövzulara üstünlük verilsə daha yaxşı olar.
Şəhər sakini Təbriz Bağırzadə: "Dedektiv və dram mövzularında film və serialların çəkilməsi yaxşı olar. Bu mövzularda film və seriallar azdır. Buna aid bir seriala baxmışdım və çox bəyəndim belə işlərin davamı gəlsə yaxşı olar".
Şəhər sakini Zeynəb Hüseynova: "Mədəniyyətə aid film və serialların artmasını istəyərdim. Mədəniyyət sahəsi önəmlidir və bu mövzuda film və serialların çəkilməyi yaxşı olar".
Şəhər sakini Pərihan Əhmədova: "Dedektiv mövzusunda film və serialların çəkilməsini istəyərdim. Çünki bu mövzuda ölkəmizdə film və seriallar azdır".
Şəhər sakini Vahid Səfərov: "Vətəndaşlara xidmət mövzusunda film və seriallar çəkilsə yaxşı olar".
Şəhər sakini Emil Qasımov: "Ölkəmizdə dedektiv və kriminal mövzusunda serial və filmlərin çəkilməsini istəyərdim.Mən bu mövzuda olan film və serialları bəyənirəm və daha çox çəkilsə yaxşı olar".
Şəhər sakini Ramil Əliyev: "Tarixi və qədim, milli hekayələrə aid çəkilərsə yaxşı olar. Xaricdə buna aid nümunələr var. Bizdə də olsa yaxşı olar ki vətəndaşlarımızda tarixə maraq artsın".
Şəhər sakini Əli Cəfərov: "Ölkəmizdə drama mövzusunda film və serialların çox olduğunu düşünürəm. Gülməli mövzularda, gündəlik gülməli həyat barəsində olan mövzularda seriallar çəkilərsə yaxşı olar".
Ayaz Zeynalzadə
Bütün xəbərlər Facebook səhifəmizdə
.png "Hava gəmisi “Pansir S-1” HHM sistemi ilə vurulub")
USD
EUR
GBP
RUB
